The news is by your side.

Advertisement

ہزاروں مویشی سعودی عرب لانے والا جہاز ڈوب گیا

قربانی کے لیے ہزاروں بکرے سعودی عرب لے جانے والا جہاز ڈوب گیا۔

عرب میڈیا کے مطابق مویشیوں کا یہ جہاز سوڈان کی بندرگاہ سوکین سے سعودی عرب جا رہا تھا کہ بحیرہ احمر میں حادثے کا شکار ہو گیا۔

بندرگاہ کے حکام نے بتایا کہ سوڈان کے بحیرہ احمر کے ساحل پر اتوار کو ہزاروں بھیڑوں سے بھرا ایک بحری جہاز الٹ گیا جس میں سوار جانور ڈوب گئے تاہم تمام عملے کو زندہ بچا لیا گیا۔

سوڈانی بندرگاہ کے ایک سینئر اہلکار نے نام ظاہر نہ کرنے کی شرط پر بتایا کہ ‘بدر ون’ نامی جہاز اتوار کی علی الصبح 13 میٹر گہرے پانی میں ڈوب گیا اس میں 15,800 بھیڑیں سوار تھیں جو گنجائش سے کئی زیادہ تھیں۔

حکام کا کہنا ہے کہ جہاز میں 7 ہزار بکرے رکھنے کی گنجائش تھی لیکن اس میں دگنے مویشی رکھے گئے تھے اور زیادہ وزن کی وجہ سے جہاز ڈوب گیا۔

Comments

یہ بھی پڑھیں