The news is by your side.

Advertisement

ترکی میں ہزاروں افراد مہنگائی کے خلاف سڑکوں پر نکل آئے

انقرہ: ترکی کے شہر استنبول میں مہنگائی اور افراط زر کی شرح میں اضافے کے خلاف ہزاروں افراد سڑکوں پر نکل آئے۔

غیرملکی خبررساں ادارے کے مطابق سخت سیکیورٹی اقدامات کے بیچ ہونے والے احتجاج میں مظاہرین نے بینروں میں فرانس میں جاری پیلی جیکٹ تحریک کی جانب بھی اشارہ کیا۔

پبلک سیکٹر کے ملازمین کی کنفیڈریشن آف ٹریڈ یونینز کی جانب سے منعقد کیے جانے والے احتجاجی مظاہروں میں ترکی کے مختلف علاقوں سے آئے ہوئے افراد نے شرکت کی۔

مظاہرین نے روزگار، روٹی اور آزادی کے نعرے لگائے، مظاہرین نے بینرز پر بحران ان کے لیے اور سڑکیں ہمارے لیے ہیں، تحریر کررکھا تھا۔

رپورٹ کے مطابق گزشتہ پندرہ سالوں کے مقابلے میں مہنگائی میں ریکارڈ اضافہ ہوا اور افراط زر کی شرح 25.24 فیصد رہی۔

مزید پڑھیں: امریکا، ترکی کو ایس 400 میزائل سسٹم فروخت کرے گا، مذاکرات جاری

واضح رہے کہ گزشتہ پیر کے روز جنوب مشرقی شہر دیار بکر میں بھی ہزاروں افراد نے مہنگائی کے خلاف احتجاجی مظاہرہ کیا تھا، اس احتجاج کی کال بھی پبلک سیکٹر کے ملازمین کی کنفیڈریشن آف ٹریڈ یونینز کی جانب سے دی گئی تھی۔

امریکا کے ساتھ سفارتی کشیدگی کے بعد سے مقامی کرنسی کی قیمت میں گراوٹ کے سبب گزشتہ چند ماہ کے دوران ترکی میں اقتصادی صورت حال کافی بگڑ گئی ہے جبکہ انقرہ کی پالیسیوں کو بھی مسترد کردیا گیا ہے۔

Comments

comments

یہ بھی پڑھیں