The news is by your side.

Advertisement

پشاور،دوخواتین سمیت تین افراد کی جلی ہوئی لاشیں برآمد

پشاور: پشاور کے علاقے تہکال میں 3 افراد کی تشدد زدہ لاشیں ملی ہیں جنھیں نہایت بے دردی کے ساتھ قتل کرنے کے بعد جلا دیا گیا ہے،جاں بحق افراد میں 2 خواتین بھی شامل ہیں۔

تفصیلات کے مطابق پشاور کے علاقے تہکال کے کوڑے دان سے تین افراد کی تشدد زدہ جَلی ہوئی لاشیں برآمد ہوئی ہیں،مقتولین میں سے دو خواتین ہیں جنہیں قریبی اسپتال منتقل کردیا گیا ہے۔
پولیس کے مطابق لاش دو روز پرانی ہے اور تینوں مقتولین چہرے اور حلیے سے غیر مقامی لگتے ہیں جن کی کسی بھی تھانے میں تین گمشدگی کی کوئی اطلاع بھی درج نہیں کرائی گئی ہے۔

پولیس کا کہنا ہے کہ نعشیں کوڑے دان کے قریب ملی ہیں، بظاہر لگتا ہے کہ تینوں افراد کو کسی اور مقام پر قتل کرنے کے بعد لاشیں تہکال میں پھینک دی گئیں ہیں،تحقیقات کر رہے ہیں جلد معاملے کی تہہ تک پہنچ جائیں گے۔

پولیس تینوں لاشوں کو پوسٹ مارٹم کے لیے اسپتال منتقل کردیا ہے اور صوبے بھر کے تھانوں میں ابتدائی اطلاع پہنچا دی ہے تا کہ لواحقین کا پتہ چلایا جائے سکے۔

پولیس حکام کا کہنا ہے کہ تحقیقات کے ذریعے معاملے کی تہہ تک پہنچیں گے اور ملوث ملزمان کو کیفر کردار تک پہنچائیں گے اس سے قبل بھی پشاور پولیس ایسی کارروائیوں کا کامینابی سے سراغ لگا چکی ہے۔

Comments

comments

یہ بھی پڑھیں