site
stats
پاکستان

کراچی میں تین بچوں کاپراسرارلرزہ خیز قتل

کراچی: اورنگی ٹاؤن مومن آباد میں نامعلوم شخص نے تین بچوں کو گلا دباکر قتل کردیا۔

کراچی میں اورنگی ٹاؤن مومن آباد کے ایک گھرپر قیامت گزرگئی، دس سالہ نمرہ ، آٹھ سالہ مصرہ، اورپانچ سالہ علی کو گلا دباکر قتل کردیا گیا،پانچ سال کے علی کے والد نے میڈیا کو بتایا، جس وقت سانحہ پیش آیا بچے دوسری منزل پر تھے ۔

پولیس کے مطابق اورنگی ٹاؤن مومن آباد کے علاقے سیکٹر 10 اے میں نامعلوم شخص گھر میں داخل ہوا اور دو بہنوں سمیت تین کمسن بچوں کا گلا دبایا اور فرار ہوگیا، پولیس کے مطابق جاں بحق ہونے والوں میں پانچ سالہ علی ، دس سالہ نمرہ اور آٹھ سالہ مفرہ شامل ہے، جاں بحق ہونے والی دونوں کمسن بچیاں بہنیں ہیں۔

میڈیا سے گفتگو کرتے ہوئے بچے کے والد شریف الدین کاکہنا تھا کہ وقوعہ کے وقت والدہ اور بڑی بہن گھر میں موجود نہیں تھیں اور وہ خود دوکان پر تھا۔ بچوں کے چلانے سے پتہ چلا کہ گھر میں یہ واقعہ رونما ہوچکا ہے ،تینوں بچوں کی لاشوں کو پوسٹ مارٹم کیلئے عباسی اسپتال منتقل کیا گیا، تاہم ایم ایل او موجود نہ ہونے کے باعث دو گھنٹے تک پوسٹ مارٹم نہ ہوسکا، جس پر بچوں کے لواحقین نے اسپتال میں احتجاج کیا۔

ایس ایس پی ویسٹ کے مطابق واقعے کی مختلف زاویوں سے تحقیقات کررہے ہیں، دوسری جانب صوبائی وزیر داخلہ سہیل سیال نے واقعے کا نوٹس لیتے ہوئے واقعے کی انکوائری رپورٹ طلب کی ہے ۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top