The news is by your side.

Advertisement

لاہور: ٹرک کی موٹرسائیکل کو ٹکر‘ 3افراد جاں بحق

لاہور: صوبہ پنجاب کے دارالحکومت لاہور میں ٹرک کی موٹرسائیکل کوٹکرسے ایک ہی خاندان کے 3 افراد جاں بحق ہوگئے۔

تفصیلات کے مطابق لاہور کے علاقے کاہنہ میں تیزرفتار ٹرک کی موٹرسائیکل کو ٹکر سے ایک ہی خاندان کے تین افراد جاں بحق ہوگئے۔

ریسکیو زرائع کے مطابق جاں بحق ہونے والوں میں 55 سالہ حنیف، بیوی 50 سالہ جمیلہ اور بیٹی 32 سالہ بشریٰ شامل ہیں۔

ریسکیو حکام کے مطابق افسوس ناک حادثہ جیابگا روڈ پر ٹرک ڈرائیور کی تیزرفتاری کے باعث پیش آیا تاہم ڈرائیور موقع سے فرار ہوگیا۔

پولیس نے حادثے میں جاں بحق افراد کی لاشوں کو تحویل میں لے کر حادثے کی تحقیقات کا آغاز کردیا ہے۔


شیخوپورہ کےقریب کاراورٹرالرمیں تصادم‘5افراد جاں بحق


خیال رہے کہ رواں برس 23 جون کو صوبہ پنجاب کےشہرشیخوپورہ انٹرچینج کے قریب کار ٹرالر سے ٹکراگئی تھی، جس کے نتیجے میں پانچ افراد جاں بحق اورایک شدید زخمی ہوگیا تھا۔

یاد رہے کہ رواں سال 5 اکتوبرکوگوجرانوالہ میں تیزرفتار کار نے موٹرسائیکل کوٹکر مار دی تھی جس کے نتیجے میں خاتون جاں بحق جبکہ دو افراد زخمی ہوگئے تھے۔


اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

Print Friendly, PDF & Email

Comments

comments

یہ بھی پڑھیں