کیلی فورنیا: امریکی ریاست کیلی فورنیا میں ہیلووین پارٹی کے دوران فائرنگ سے 3 افراد ہلاک اور 9 زخمی ہوگئے۔
غیرملکی خبررساں ادارے کے مطابق امریکی ریاست کیلی فورنیا کے لونگ بیچ میں واقع ایک گھر میں ہیلووین پارٹی کے دوران مسلح شخص کی فائرنگ کے نتیجے میں 3 افراد ہلاک اور 9 زخمی ہوگئے۔
پولیس کے مطابق ہلاک و زخمیوں کو فوری طور پر اسپتال منتقل کردیا گیا ہے جہاں زخمیوں کو طبی امداد دی جارہی ہے۔
پولیس کے مطابق حملہ آور جائے وقوعہ سے فرار ہونے میں کامیاب ہوگیا جس کی تلاش جاری ہے، واقعے کی تحقیقات کا آغاز کردیا گیا ہے۔
Three people were killed and nine others injured in a shooting at a residence in Long Beach, California, the local fire department said https://t.co/9X5dQLME0K pic.twitter.com/M4YZPJ2hce
— Reuters (@Reuters) October 30, 2019
پولیس کا کہنا ہے کہ پارٹی میں شریک تمام افراد نے ہیلووین لباس زیب تن کیے ہوئے تھے، عینی شاہدین کے مطابق حملہ آور نے 20 گولیاں فائر کیں۔
مزید پڑھیں: امریکا میں ایک بار پھر فائرنگ کا واقعہ، 3 افراد ہلاک، 14 زخمی
واضح رہے کہ دو روز قبل امریکی ریاست کیرولینا میں فائرنگ کے نتیجے میں 3 افراد ہلاک اور 14 زخمی ہوگئے تھے۔
خیال رہے کہ امریکا کی مختلف ریاستوں میں فائرنگ کے واقعات میں اضافہ ریکارڈ کیا گیا ہے، رواں ماہ کے آغاز میں امریکی ریاست نیویارک کے نجی سوشل کلب میں فائرنگ سے 4 افراد ہلاک ہوئے تھے، 6 اکتوبر کو امریکی ریاست کنساس کے بار میں فائرنگ کے نتیجے میں 4 افراد ہلاک اور 5 زخمی ہوگئے تھے، گزشتہ ماہ امریکی ریاست ٹیکساس میں فائرنگ کے واقعے میں 7 افراد ہلاک اور سترہ ماہ کی بچی سمیت 22 افراد زخمی ہوگئے تھے۔