The news is by your side.

Advertisement

لاہور میں مکان کی چھت گر گئی، 3 بچے جاں بحق

لاہور: صوبہ پنجاب کے دارالحکومت لاہور میں مکان کی چھت گرنے سے 3 بچے جاں بحق جبکہ 6 افراد زخمی ہوگئے۔

تفصیلات کے مطابق لاہور کے علاقے مومن پورہ میں مکان کی چھت گرنے سے ملبے تلے دب کر تین بھائی جان کی بازی ہار گئے، حادثے میں 6 افراد زخمی ہوگئے۔

حادثے کی اطلاع ملتے ہی امدادی رضاکار وں نے جائے وقوع پر پہنچ کر ملبے تلے دبے افراد کو ریسکیو کیا۔ زخمیوں کو سروسز اسپتال میں طبی امداد دی جا رہی ہے۔

شیخوپورہ میں بارش کے باعث مکان کی چھت گرگئی، بچوں سمیت 7 افراد جاں بحق

اس سے قبل گزشتہ ہفتے شیخوپورہ میں کوٹ عبدالمالک کے نزدیک علاقے فضل کالونی میں شدید بارش کے باعث مکان کی چھت گرنے سے ایک ہی خاندان کے 7 افراد جان کی بازی ہار گئے تھے۔

یاد رہے کہ رواں سال اپریل میں لاہور کے علاقے بھاٹی گیٹ میں تین منزلہ مکان کی چھت گرنے سے 2 خواتین سمیت 6 افراد جاں بحق جبکہ 4 افراد زخمی ہوئے تھے۔

قصور میں مکان کی چھت گرنے سے 3 افراد جاں بحق

واضح رہے کہ رواں سال فروری میں قصور کے علاقے نورپورڈوگراں میں مکان کی چھت گرنے سے میاں بیوی اور 3 سال کی بچی جان کی بازی ہار گئی۔

fb-share-icon0
Tweet 20

Comments

comments

یہ بھی پڑھیں