The news is by your side.

Advertisement

کراچی ایئرپورٹ پرچارٹرڈ طیارے کی کریش لینڈنگ، تین زخمی

کراچی: قائداعظم انٹرنیشنل ایئرپورٹ پرایک چارٹرڈ طیارہ اڑان بھرنے بھی نہ پایا تھا کہ گرگیا، تین افراد زخمی ہوگئے۔

تفصیلات کے مطابق آج بروز جمعہ کراچی ایئرپورٹ سے بلوچستان کے علاقے سوئی جانے والا نجی طیارہ ٹیک آف کے دوران ہی فنی خرابی کے سبب رن وے پر گرگیا۔

رن وے پرطیارہ گرنے سے پروازوں کی آمدورفت معطل ہوگئی ہے اوراس کی بحالی کے لئے سول ایوی ایشن انتظامیہ کی جانب سے کام جاری ہے۔

رن وے نمبر25 ایل بند ہونے کے سبب اسلام آباد جانے والی نجی ایئرلائن کی پرواز بھی تاخیر کا شکارہوئی ہے، سول ایوی ایشن حکام نے واقعے کی تحقیقات شروع کردیں ہیں۔

طیارہ کیونکہ مکمل اڑان نہیں بھرپایا تھا لہذا کوئی بڑا حادثہ پیش نہیں آیا، طیارے میں سوارتین افراد زخمی ہوئے ہیں جنہیں اسپتال منتقل کردیاگیا ہے۔

Print Friendly, PDF & Email

Comments

comments

یہ بھی پڑھیں