The news is by your side.

Advertisement

کوئٹہ میں نامعلوم افراد کی فائرنگ، تین افراد جاں بحق، 3 زخمی

کوئٹہ: کوئٹہ کے علاقے جان محمد روڈ پر نامعلوم افراد کی فائرنگ سے تین افراد جاں بحق اور تین زخمی ہوگئے۔

تفصیلات کے مطابق نامعلوم افراد نے جان محمد روڈ پر واقع دکانوں پر فائرنگ کی جس کے نتیجے میں تین افراد جاں بحق اور 3 شدید زخمی ہوگئے تاہم زخمیوں کو طبی امداد فراہم کرنے کے لیے اسپتال منتقل کر دیا گیا ہے۔

واقعے سے متعلق پولیس حکام کا کہنا تھا کہ گھات لگائے دہشت گردوں نے جان محمد روڈ پر واقع دکانوں پر فائرنگ کی اور موقع پر ہی فرار ہوگئے بعد ازاں پولیس نے جائے وقوعہ سے شوہد اکھٹے کیے۔

کوئٹہ میں فائرنگ‘ معطل ایس ایچ او جاں بحق

بعد ازاں زخمی افراد کو ٹراما سینٹر منتقل کردیا گیا جہاں ایک زخمی کی حالت تشویشناک بتائی جاتی ہے جبکہ جاں بحق افراد کی شناخت وقاص خان، شبیراحمد اور علی خان کے ناموں سے ہوئی ہے۔

خیال رہے کہ واقعے کے بعد پولیس اور ایف سی نے علاقے اور جائے واردات کو مکمل طور پر سیل کردیا ہے اور ملزمان کی تلاش شروع کردی ہے جبکہ علاقہ پولیس کی جانب سے واقعے کی تحقیقات جاری ہے۔

کوئٹہ میں فائرنگ،دوافراد جاں بحق

علاوہ ازیں فائرنگ کے واقعے کے بعد وزیر داخلہ بلوچستان سرفراز بگٹی بھی جان محمدروڈ پہنچے اور جائے وقوعہ کا معائنہ کیا، وزیر داخلہ بلوچستان نے آئی جی پولیس سے چوبیس گھنٹے میں واقعے کی رپورٹ طلب کر لی ہے بعد ازاں ان کا کہنا تھا کہ ٹارگٹ کلنگ کے واقعات میں اضافہ صوبے میں انتشار پھیلانے کی سازش ہے۔


خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کےلیے سوشل میڈیا پرشیئر کریں۔

Comments

comments

یہ بھی پڑھیں