کراچی: شہر قائد کے علاقے کورنگی میں واقع فیکٹری میں پانچ مزدور ٹینک میں گرگئے، تین جاں بحق ہوگئے دو کو نکال لیا گیا۔
اے آر وائی نیوز کے نمائندے سلمان لودھی کے مطابق فیکٹری کورنگی ابراہیم حیدر ی پر واقع ہے جس میں فش کی فیڈ بنانے کا کام کیا جاتا ہے،کام کے دوران کیمیکل سے بھرے ٹینک میں ایک مزدور گرگیا جسے بچانے کے لیے چار سے پانچ مزدور وہاں اتر گئے۔
اطلاعات کے مطابق کیمیکل ٹینک ہونے کی وجہ سے وہاں اترنے والے مزدور بھی اس کا شکار ہوگئے، جن میں سے ایک مزدور کو تو فوری طور پر نکال لیا گیا بعدازاں ایک مزدور کو کچھ دیر بعد نکال کر اسپتال منتقل کیا گیا اور ایک لاش نکال لی گئی۔
حادثے میں تین مزدور جاں بحق ہوگئے، ایک مزدور اسپتال میں زیر علاج ہے
