The news is by your side.

Advertisement

شمالی وزیرستان میں چیک پوسٹ کے قریب دھماکہ ، 3لیویز اہلکار شہید ، ایک زخمی

پشاور‌: شمالی وزیرستان میں چیک پوسٹ کے قریب دھماکہ میں تین لیویز اہلکار شہید اور ایک زخمی ہوگیا ، وزیر اعلیٰ محمود خان کا کہنا ہے دہشت گردی ناسور ہے اور صفایا کرکے دم لیں گے، کوئی بھی مذہب معصوم اور بے گناہ لوگوں پر حملے کی اجازت نہیں۔

تفصیلات کے مطابق شمالی وزیرستان کے علاقے شیوا میں لیویز چیک پوسٹ کے قریب دھماکا ہوا، جس میں 3 لیویز اہلکار شہید اور ایک زخمی ہوگیا۔

ذرائع کے مطابق بارودی مواد چیک پوسٹ کے قریب نصب کیا گیا تھا، دھماکے میں شہید اہلکاروں میں سے دو کی شناخت امیر زمان اور عبدالولی کے نام سے ہوئی ہے۔

واقعہ کے بعد سیکیورٹی فورسز نے علاقے کو گھیرے میں لے کر سرچ آپریشن شروع کر دیا ہے۔

وزیراعلیٰ خیبر پختونخوا محمود خان نے شمالی وزیرستان میں دھماکے کی مذمت کرتے ہوئے کہا کہ شہید ہونے والے اہلکاروں کے لواحقین کے غم میں برابر کے شریک ہیں۔

مزید پڑھیں : شمالی وزیرستان : دہشت گردوں کا فورسز پر حملہ، افسر سمیت 3 اہلکار شہید، ایک زخمی

ان کا کہنا تھا دہشت گرد اس طرح کے حملوں سے ہمارے حوصلے پست نہیں کرسکتے، دہشتگردی ناسور ہے اور صفایا کرکے دم لیں گے، کوئی بھی مذہب معصوم اور بے گناہ لوگوں پر حملے کی اجازت نہیں دیتا۔

یاد رہے نومبر 2018 میں شمالی وزیرستان میں رزمک سب ڈویژن کے علاقے روغہ بدر میں دہشت گردوں نے فورسز پر حملہ کردیا تھا ، حملے میں ایک افسر سمیت 3 اہلکار شہید اور ایک زخمی ہوا تھا۔

Comments

comments

یہ بھی پڑھیں