The news is by your side.

Advertisement

بغیر اجازت دوسری شادی کرنے والے 3 دولہے سلاخوں کے پیچھے

گجرات : عدالت نے اجازت کے بغیر دوسری شادی کرنے 3 ملزمان کو ایک ایک سال کی قید اور تین تین لاکھ جرمانے کی سزا سنادی جبکہ اقدام قتل کے مجرم محمد مالک کو3 سال قید کا حکم دیا۔

تفصیلات کے مطابق سول جج کھاریاں نے بغیراجازت دوسری شادی کرنے والے 3 دلہوں کو 1،1سال قید اور تین تین لاکھ روپے جرمانہ کی سزا سنادی اور ملزمان ادریس، الطاف اور طارق کو جیل بھیج دیا۔

دورسری جانب عدالت نے اقدام قتل کے مجرم محمد مالک کو 3 سال قید کا حکم دیا۔

یاد رہے گذشتہ ماہ اوکاڑہ میں عدالت نے مصالحتی کونسل کی اجازت کے بغیر دوسری شادی کرنے پر ملزم کو سزا 2ماہ قید اور 5لاکھ جرمانے کی سزا سنائی تھی، جس کے بعد ملزم سلیم کوعدالت سے گرفتار کر لیا گیا تھا۔

مزید پڑھیں : اجازت کے بغیر دوسری شادی کرنے پر سزا

خیال رہے اسلام آباد ہائی کورٹ نے دوسری شادی کےلیےمصالحتی کونسل کی اجازت ضروری قرار دیتے ہوئے کہا تھا کہ بیوی کی اجازت کے باوجود مصالحتی کونسل انکار کر دے تو دوسری شادی پر سزا ہو گی۔

اس قبل رواں سال مارچ میں لاہور کی مقامی عدالت نے بغیر اجازت شادی کرنے والے خاوند کو تین ماہ قید اور پانچ ہزار روپے جرمانہ کی سزاکا حکم سنا دیا، بیوی نے شوہر کے خلاف درخواست دائر کی تھی۔

Comments

comments

یہ بھی پڑھیں