site
stats
انٹرٹینمںٹ

جے پور فلم فیسٹیول میں تین پاکستانی فلموں کی نمائش کا فیصلہ

بمبئی: پاک بھارت کشیدگی کے باوجود جے پور میں ہونے والے فلم فیسٹیول میں تین پاکستانی فلموں کی نمائش کا فیصلہ کیا گیا ہے، جن میں ماہ میر، ہیل ہول اور لٹل ریڈروزز شامل ہیں۔

تفصیلات کے مطابق پاک بھارت کشیدگی اور ہندو انتہاء پسندوں کی دھمکیوں کے بعد فلم انڈسٹری کو سب سے زیادہ نقصان ہوا جس کے باعث کئی پاکستانی فنکاروں کو سنگین نتائج کی دھمکیاں بھی موصول ہوئیں اور وہ وطن واپس آنے پر مجبور ہوئے۔

بھارتی ہندو انتہاء پسندوں اور جنگی جنون میں مبتلا ملک کی جارحیت سے انٹرٹینمنٹ انڈسٹری اور ہدایتکاروں کو سنگین مسائل کا سامنا رہا جبکہ کئی معروف بالی ووڈ اداکاروں نے اس عمل پر تشیویش کا اظہار بھی کیا۔

وہ بھارتی فلمیں جن میں پاکستانی فنکاروں نے اپنی اداکاری کے جوہر دکھائے اُن کے ہدایتکاروں کو بے جے پی کی جانب سے دھمکیاں دی گئیں بعد ازاں غنڈہ ٹیکس لگا کر فلم ریلیز کرنے کی مشروط اجازت بھی دی گئی۔

اس تمام تر صورتحال کے باوجود جے پور فلم فیسٹیول کی انتظامیہ نے آئندہ سال 7 جنوری سے ہونے والے تین روزہ فیسٹیول میں پاکستانی فلموں کو نمائش کے لیے پیش کرنے کا اعلان کیا ہے۔

انتظامیہ کی جانب سے اس بار تین پاکستانی فلمیں بھی فیسٹیول میں شامل کی جائیں گی جن میں ہدایت کار انجم شہزاد کی فلم ماہ میر، مبین انصاری کی ڈاکومینٹری ’ہیل ہول‘‘ اور عاصم عباسی کی شارٹ فلم لٹل ریڈروزز شامل ہیں۔

خیال رہے ماہ میر کی کہانی مقبول شاعر میر تقی میر پر مبنی ہے، جس میں فہد مصطفیٰ اور ایمان علی نے مرکزی کردار ادا کیا ہے جبکہ فلم ’ہیل ہول‘پاکستان کے مزدوروں کی کہانی اور ریڈ روزز کی اسٹوری ایک ایسی لڑکی کی ہے جو لڑکوں کا روپ اپنا کر پھول سڑکوں پر پھول فروخت کرتی ہے۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top