site
stats
پنجاب

فیصل آباد میں تیز دھار آلے سے تین افرا د قتل

فیصل آباد : گزشتہ رات ایڈن گارڈن میں سٹرک کنارے سوئے ہوئے تین افراد کو تیز دھار آلے سے قتل کردیا گیا۔

تفصیلات کے مطابق مدینہ ٹاون کے علاقے کینال روڈ پر واقع ایڈن گارڈن میں ہوٹل کے مالک غلام اصغر،مشتاق اور اکرم معمول کے مطابق دکانوں کے باہر فٹ پاتھ پر سو رہے تھے کہ رات گئے نامعلوم افراد نے تیز دھار آلے کے وار سے تینوں افراد کو قتل کر دیا۔

مقامی فیکٹری کے مزدوروں نے علی الصباح تہرے قتل کے حوالے سے پولیس کو اطلاع دی ۔پولیس نے جائے وقوعہ پہنچ کر لاشوں کو اپنے قبضے میں لیا اور پوسٹ مارٹم کے لئے الائیڈ ہسپتال منتقل کردیا۔

حساس اداروں کی اطلاعات کے مطابق شک کی بنیاد پر ایک شخص کو حراست میں لے کر پوچھ گچھ کی جاری ہے۔ تاہم کوئی خاص  پیشرفت نہ ہوسکی۔

واضح رہے  مقتولین غلام اصغر ، مشتاق ، کرام کا تعلق بالترتیب فیصل آباد چک نمبر 208 ، ٹوبہ ٹیکھ سنگھ اور جڑاں والا سے تھا۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top