The news is by your side.

Advertisement

پنجاب یونیورسٹی کیلئے ایک اور بڑا عالمی اعزاز

لاہور : پنجاب یونیورسٹی کے تین پروفیسرز کو دنیا کے بہترین 2 فیصد محققین میں شامل کر لیا گیا، شاندار بین الاقوامی کامیابی پر وائس چانسلر ڈاکٹر نیاز احمد نے اساتذہ کو مبارکباد دی۔

تفصیلات کے مطابق پنجاب یونیورسٹی کو ایک اور بڑا عالمی اعزاز مل گیا، تین پروفیسرز کو دنیا کے بہترین 2 فیصد محققین میں شامل کر لیا گیا۔

اسٹینفورڈ یونیورسٹی کیلفورنیا کی جاری کر دہ فہرست کے مطابق پنجاب یونیورسٹی کے ڈین فیکلٹی آف مینجمنٹ سائنسز کے ڈاکٹر خالد محمود، ڈین فیکلٹی آف سائنس ڈاکٹر محمد شریف اور شعبہ میتھمیٹکس کے ڈاکٹر محمد اکرم دنیا کے بہترین 2 فیصد محققین میں شامل ہو گئے۔

بہترین محققین کی عالمی درجہ بندی میں تمام شعبوں سے ایک لاکھ ساٹھ ہزار محققین کو شامل کیا گیا، پنجاب یونیورسٹی کے محققین کو اپنے تحقیقی مقالات کی بین الاقوامی جانچ پڑتال کی بنیاد پر منتخب کیا گیا۔

شاندار بین الاقوامی کامیابی پر وائس چانسلر ڈاکٹر نیاز احمد نے اساتذہ کو مبارکباد دیتے ہوئے کہا یونیورسٹی انتظامیہ کے بین الاقوامی رینکنگ بہتر بنانے کے لئے اقدامات کے ثمرات ملنا شروع ہو چکے ہیں۔

ڈاکٹر نیاز احمد کا مزید کہنا تھا کہ مختلف شعبوں میں پنجاب یونیورسٹی کی بین الاقوامی رینکنگ 2 سال میں بہتر ہوئی ہے۔

Comments

یہ بھی پڑھیں