The news is by your side.

Advertisement

دبئی:منشیات استعمال کرنے کے جرم میں تین بہنیں گرفتار

دبئی:پولیس نے متحدہ عرب امارات کے مقامی ہوٹل سے منشیات استعمال کرنے کے جرم میں خیلجی ممالک سے تعلق رکھنے والی تین بہنوں کو منشیات اسمگلنگ کرنے والے شخص کے ہمراہ گرفتار کرلیا ہے۔

تفصیلات کے مطابق متحدہ عرب امارات کے دارالحکومت دبئی میں پولیس نے خفیہ اطلاعات کے موصول ہونے پر مقامی ہوٹل میں کارروائی کرتے ہوئے منشیات کا استعمال کرنے والی تین بہنوں کو منشیات فروش کے ساتھ گرفتار کرلیا ہے۔

پولیس کے حکّام کا کہنا ہے کہ خلیجی ممالک سے تعلق رکھنے والی ایک لڑکی حالیہ دنوں وزٹ ویزے پر دبئی آئی تھی، مذکورہ لڑکی نے پہلے سے دبئی میں مقیم اپنی 26 سالہ بہن کے ذریعے ہوٹل میں اپارٹمنٹ کرائے پر لیا تاکہ تینوں بہنیں مشترکہ طور پر نشہ کرسکیں۔

پولیس حکّام نے کہا کہ تینوں خواتین کو ہوٹل میں ایک عربی شخص نے منشیات فراہم کی تھی، مذکورہ شخص پہلے بھی دیگر افراد کو منشیات فروخت کرنے کے جرم میں متعدد مقدمات کا سامنا کرتا رہا ہے۔

دبئی نارکوٹکس ڈپارٹمنٹ کے ترجمان کا کہنا تھا کہ تینوں خواتین کو منشیات کا استعمال اور نشہ آور اشیاء فراہم کرنے والے شخص کو منشیات کی اسمگلنگ کے الزام میں پولیس نے حراست میں لےکر عدالت میں پیش کردیا ہے۔

خیال رہے کہ دو روز قبل دبئی میں اماراتی پولیس اور نارکوٹکس اہلکاروں نے خفیہ اطلاعات کے موصول ہونے پر مشترکہ کارروائی کرتے ہوئے متحدہ عرب امارات سمیت دنیا بھر منشیات کی اسمگلنگ میں ملوث 5 ملزمان پر مشتمل گروہ کو گرفتار کرکے 2،200 کلو گرام سے زائد ہیروئن برآمد کی تھی۔


خبر کے بارے میں اپنی رائے کا اظہار کمنٹس میں کریں‘ مذکورہ معلومات کو زیادہ سے زیادہ لوگوں تک پہنچانے کےلیے سوشل میڈیا پرشیئر کریں

Comments

comments

یہ بھی پڑھیں