The news is by your side.

Advertisement

ویسٹ انڈیز سے سیریز، قومی ویمن ٹیم کو بڑا دھچکا

کراچی: ویسٹ انڈیز کے خلاف ہوم سیریز سے قبل ویمن کرکٹ ٹیم بڑی مشکل سے دو چار ہوگئی ہے۔

پاکستان کرکٹ بورڈ کی جانب سے جاری بیان میں کہا گیا کہ ویسٹ انڈیز کے خلاف ہوم سیریز میں شامل خواتین اسکواڈ کے تین ارکان کا کرونا ٹیسٹ مثبت آگیا ہے۔

پی سی بی کے مطابق گذشتہ روز معمول کی کرونا ٹیسٹنگ کے دوران تین کھلاڑیوں کا ٹیسٹ مثبت آیا حالانکہ کھلاڑی قرنطینہ میں ہیں جس کی معیاد چھ نومبر کو ختم ہونا تھی، ٹیسٹ مثبت آنے کے بعد کھلاڑیوں کو آئسولیٹ کردیا گیا ہے۔

کھلاڑیوں میں پاکستانی ویمن ٹیم کی کپتان جویریہ ،ڈیانابیگ اورعمیمہ سہیل ہے۔

پریس ریلیز کے مطابق اسکواڈ کے دیگر ارکان دو نومبر تک آئسولیشن میں رہیں گے اور وائرس کے کسی بھی ممکنہ پھیلاؤ کو روکنے کے لیے  ہر متبادل دن ٹیسٹ کرائیں گے۔

یہ بھی پڑھیں: غیر ملکی کرکٹر قومی ویمنز ٹیم کے ہیڈ کوچ مقرر

پی سی بی کے مطابق ویمن اسکواڈ کے تمام ارکان دو منفی ٹیسٹ کے بعد بائیو سیکیور ببل میں داخل ہوئے تھے تمام اسکواڈ نے مئی میں کرونا سے بچاؤ کی مکمل ویکسی نیشن بھی کرائی تھی۔

میزبان ٹیم نے سیریز کیلئے یکم نومبر کو کراچی آنا ہے،پاکستان اور ویسٹ انڈیز ویمن ٹیموں کے درمیان تین ون ڈے میچز 8، 11 اور 14 نومبر کو نیشنل اسٹیڈیم کراچی میں کھیلے جائیں گے۔

Comments

یہ بھی پڑھیں