site
stats
پاکستان

کوئٹہ : پولیس اور سی ٹی ڈی کا سرچ آپریشن، 3 دہشت گرد ہلاک

کوئٹہ : مشرقی بائی پاس کے مختلف علاقوں میں پولیس اور سی ٹی ڈی کے سرچ آپریشن کے دوران فائرنگ کے تبادلے میں تین دہشت گرد ہلاک ہوگئے۔

تفصیلات کے مطابق کوئٹہ سریاب روڈ پرخودکش دھماکے کے بعد سیکیورٹی فورسز کے تابڑ توڑ چھاپے جاری ہیں، پولیس اور سی ٹی ڈی کا مشرقی بائی پاس کے علاقے میں سرچ آپریشن کیا گیا، آپریشن کے دوران فائرنگ کے تبادلے میں تین دہشت گرد ہلاک ہوگئے۔

پولیس کے مطابق ہلاک ہونے والے دہشت گروں کا تعلق کلعدم تنظیم سے ہے، ان کے قبضے سے اسلحہ برآمدکرلیاگیا۔

پولیس اور سیکیورٹی فورسز کا موقف ہے کہ کوئٹہ اور ملحقہ علاقوں میں سرچنگ کاسلسلہ جاری رہے گا۔


مزید پڑھیں : کوئٹہ میں پولیس ٹرک کے قریب دھماکہ ،7 پولیس اہلکار شہید ،22زخمی


یاد رہے کہ گذشتہ روز کوئٹہ کے نواحی علاقے سریاب میں پولیس ٹرک کے قریب دھماکے کے نتیجے میں7 پولیس اہلکار شہید جبکہ 22افراد زخمی ہو گئے تھے، دہشتگردوں نے باردو سے بھری گاڑی ٹرک سے ٹکرا دی تھی، دھماکا اس قدرشدید تھاکہ ٹرک مکمل طورپر تباہ ہوگیا تھا۔

بم ڈسپوزل ذرائع کے مطابق کوئٹہ دھماکا ممکنہ طورپرخودکش حملہ ہے۔

وزیراعلیٰ بلوچستان ثناءاللہ زہری کا کہنا تھا کہ آخری دہشت گردکےخاتمے تک جنگ جاری رہےگی، بزدلانہ کارروائیوں سے سیکیورٹی فورسز کا حوصلہ پست نہیں کیاجاسکتا۔


اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی وال پر شیئر کریں۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top