کراچی: رینجرز کی خفیہ اطلاع پر کارروائی کی گئی جس میں لیاری گینگ وار کو اسلحہ فراہم کرنے والا ملزم گرفتار کرلیا گیا۔
ترجمان رینجرز کے مطابق رینجرز کی کارروائی کے دوران ملزم محمد ایاز عرف بے بی کو گرفتار کیا گیا ہے جس نے بابا لاڈلہ اور عذیر بلوچ گروپ کے کارندوں کو اسلحہ فراہم کرنے کا اعتراف کیا ہے ، ملزم اسلحہ کی مرمت اور اسلحہ چھپانے میں بھی ملوث ہے۔
ترجمان رینجرز کے مطابق گرفتار ملزم نے بھتہ خوری کا بھی اعتراف کیا ہے ۔ سہراب گوٹھ میں بھی رینجرز نے کارروائی کرکے کالعدم تنظیموں کے دوکارندوں کو گرفتار کرلیا، جس میں ایک علیحدگی پسند تنظیم کا کارندہ بھی شامل ہے ۔
اے آر وائی نیوز کی ڈیجیٹل ڈیسک کی جانب سے شائع کی گئی خبریں