راولپنڈی : سیکیورٹی فورسز کے ضلع خیبر کے علاقے تیراہ میں آپریشن کے دوران 3 دہشت گرد ہلاک ہوگئے ، مار گئے دہشت گردوں میں کمانڈر کفایت عرف طور عدنان بھی شامل ہیں۔
تفصیلات کے مطابق پاک فوج کے شعبہ تعلقات عامہ (آئی ایس پی آر) کی جانب سے بیان میں کہا گیا ہے کہ سیکیورٹی فورسز نے خیبر کے علاقے تیراہ میں آپریشن کیا، فورسز کی جانب سے دہشت گردوں کی موجودگی کی اطلاع پر آپریشن کیا گیا۔
آئی ایس پی آر کا کہنا تھا کہ آپریشن کے دوران فائرنگ کے شدید تبادلے میں 3 دہشت گرد ہلاک ہوگئے ، مار گئے دہشت گردوں میں کمانڈر کفایت عرف طورعدنان بھی شامل ہیں۔
ترجمان نے کہا کہ ہلاک دہشت گرددہشت گردی کی کارروائیوں اورسیکیورٹی فورسزپرحملوں میں ملوث تھے۔
آئی ایس پی آر کے مطابق علاقے میں ممکنہ دہشت گردوں کی تلاش اور خاتمے کیلئے کلیئرنس آپریشن جاری ہے اور سیکیورٹی فورسز دہشت گردی کے خاتمے کیلئے پر عزم ہیں۔
