بیجنگ: چین کے شہر چنگ ڈو میں تین سالہ لیانگ ژنژن اپنا بیوٹی پارلر چلا رہی ہیں، اُن کی مہارت کو دیکھتے ہوئے دیگر خواتین بھی تیار ہونے کے لیے ننھی بیوٹیشن کے پاس آتی ہیں۔
چینی میڈیا کی رپورٹ کے مطابق چین کے شہر چنگ ڈو کے پارلر میں کام کرنے والی تین سالہ بچی ملازم نہیں بلکہ پارلر کی مالک ہے جو مہارت کے ساتھ خواتین کے اسٹائلش بال، فیشل اور میک اپ کرتی ہے۔
حیران کن طور پر یہ عمر بچوں کے کھیلنے کودنے کی ہوتی ہے مگر تین سالہ بچی وہ کام مہارت کے ساتھ کررہی ہے جس پر عبور حاصل کرنے کے لیے کافی عرصہ لگ جاتا ہے۔
تین سالہ بچی کی ویڈیو انٹرنیٹ پر شیئر ہوئی تو صارفین نے ننھی بیوٹیشن کو داد دی اور اُس کی مہارت کو دیکھ کر ششدر رہ گئے۔
مزید پڑھیں: شامی جنگ سے متاثرہ 8 سالہ باہمت بچی
لیانگ ژن ژن کے والد نے ڈیلی میل سے بات کرتے ہوئے بتایا کہ دو ماہ کی عمر میں مجھے اندازہ ہوا کہ بیٹی کو بال سنوارنے اور نت نئے ڈیزائن بنانے کا شوق ہے، جیسے جیسے وہ بڑی ہوئی اُس کے اندر چھپی خداداد صلاحتیں سامنے آئیں جو ہمارے لیے حیران کن تھیں۔
Three-year-old give professional beauty treatments 💅😍 pic.twitter.com/4bZAVHzD5t
— Daily Mail Online (@MailOnline) January 30, 2019
لیانگ کے والد پیشے کے اعتبار سے حجام کا کام کرتے ہیں اس لیے وہ اُن کے ساتھ اکثر دکان جاتی تھی۔
یہ بھی پڑھیں: معذور بھائی اور گھر والوں کی مدد کرنے والی 9 سالہ بلند حوصلہ بچی، ویڈیو وائرل
والد لیانگ کا کہنا تھا کہ ایک روز ژن نے دکان پر آنے والے گاہک کے بال کاٹنے کی فرمائش کی تو میں نے پوچھ کر اجازت دی، جب اُس کے بال کٹے تو ہم سب حیران رہ گئے کیونکہ یہ انداز بہت اچھا تھا۔ لیانگ کے والد کا کہنا تھا کہ ’مجھے امید ہے بیٹی بیوٹیشن کے میدان میں اپنی پہچان بنائے گی، مگر اتنا ضرور ہے کہ ہم کبھی اُس کی تعلیم میں کام کی وجہ سے خلل نہیں آنے دیں گے۔
