ٹھگز آف ہندوستان چھا گئی، پہلے ہی روز کمائی کا نیا ریکارڈ -
The news is by your side.

Advertisement

ٹھگز آف ہندوستان چھا گئی، پہلے ہی روز کمائی کا نیا ریکارڈ

ممبئی: بالی ووڈ کی نئی آنے والی فلم ’ٹھگز آف ہندوستان‘ نے پہلے ہی روز میں کمائی کا نیا ریکارڈ بناتے ہوئے ایک دن میں باکس آفس پر 52 کروڑ روپے سے زائد کا بزنس کرلیا۔

تفصیلات کے مطابق 8 نومبر کو بالی ووڈ کی سب سے بڑی قرار دی جانے والی فلم ’ٹھگز آف ہندوستان‘ ملک بھر میں ریلیز کی گئی۔

مسٹر پرفیکٹ اور لیجنڈری اداکار امیتابھ بچن مداحوں کو متاثر کرنے میں کامیاب رہے یہی وجہ ہے کہ فلم نے پہلے ہی روز باکس آفس پر 52 کروڑ 25 لاکھ کا کاروبار کیا اور نیا ریکارڈ اپنے نام کیا، بالی ووڈ کی تاریخ میں اب تک کسی فلم نے پہلے روز اتنا بزنس نہیں کیا۔

مزید پڑھیں: ٹھگز آف ہندوستان کی شوٹنگ دھماکے کے ساتھ اختتام پذیر

معروف فلم تجزیہ نگار ترن آدرش نے اعداد و شمار کے حوالے سے ٹویٹ کیا جس میں بتایا گیا کہ دیولی کی چھٹی ’ٹھگز آف ہندوستان‘ کے نام رہی کیونکہ فلم نے باکس آفس پر نیا ریکارڈ بنایا۔

آدرش کے مطابق فلم نے پہلے روز 50 کروڑ کا بزنس کیا جبکہ تامل اور تیگلو زبان میں ریلیز کی جانے والی ’ٹھگز آف ہندوستان‘ نے پہلے ہی روز ڈیڑھ کروڑ سے زائد کا ریکارڈ بزنس کیا۔

عامر خان نے تاریخی ریکارڈ بننے پر خوشی کا اظہار کرتے ہوئے مداحوں کا شکریہ ادا کیا، اُن کا کہنا تھا کہ ’میں فلم بینوں کا بہت زیادہ مشکور اور احسان مند ہوں کہ انہی کی وجہ سے یہ سب ممکن ہوا‘۔

یہ بھی دیکھیں: کترینہ کی مدد کر کے امیتابھ اور عامر خان نے دل جیت لیے، ویڈیو وائرل

واضح رہے کہ یش راج فلمز کے بینر تلے بنائی جانے والی فلم میں ہدایت کاری کے امور وجے کرشنا نے انجام دیے جبکہ عامر خان، امیتابھ بچن، کترینہ کیف اور فاطمہ شیخ سمیت دیگر اداکار وں نے مرکزی کردار ادا کیا۔

Comments

comments

یہ بھی پڑھیں