کویت سٹی: کویت کے لئے براہ راست پروازوں کی ٹکٹوں کی قیمتوں میں ہوشربا اضافہ ہوگیا ہے۔
تفصیلات کے مطابق متعلقہ حکام نے بتایا کہ کویت ، مصر اور بھارت کے درمیان براہ راست پروازوں کے ٹکٹوں کی قیمتوں میں نمایاں اضافہ ہوا ہے یہاں تک کہ شہری اور غیر ملکی دونوں ہی ان ٹکٹوں کو خریدنے کے متحمل نہیں ہو سکتے۔
حکام کا کہنا ہے کہ کویت بین الاقوامی ہوائی اڈے کی آپریشنل صلاحیت بڑھانے کی ضرورت پر زور دیا جائے جو کابینہ کے اگلے اجلاس میں سر فہرست ہے، انہوں نے خبردار کیا کہ اس طرح کے اقدام کو ملتوی کرنا شہریوں کی واپسی میں رکاوٹ بن سکتا ہے بشرطیکہ ان کی گنتی منظور شدہ آپریٹنگ صلاحیت سے باہر ہو تاکہ شہریوں کو دقت کا سامنا نہ کرنا پڑے۔
حکام نے مزید کہا کہ اسوقت شہریوں کے بوجھ میں بھی اضافہ ہوگا، اسکول کے اخراجات کی واپسی ، طلباء کے لیے ہفتہ وار کرونا سویب ٹیسٹ اور قرض کی ادائیگیوں کی وصولی پر دوبارہ غور کرنا ہوگا۔
دوسری جانب تیل کے شعبے کے ذرائع نے بتایا کہ مختلف قسم کی سبسڈی کا جائزہ لینے کے لیے کام کرنے والی کمیٹی ستائیس ستمبر کو اپنے فیصلے کو حتمی شکل دے گی کیونکہ اسے پریمیم اور خصوصی پٹرول کی موجودہ قیمتوں کا جائزہ لینے کے لیے مزید وقت درکار ہے۔
ذرائع نے بتایا کہ موجودہ قیمتوں کی فہرست تیس ستمبر تک درست ہے جس سے ظاہر ہوتا ہے کہ پٹرول کے لیے نئی قیمتوں کی فہرست جاری کرنے یا فی الحال اسے تیل کی قیمتوں سے جوڑنے کا کوئی منصوبہ نہیں ہے۔
واضح رہے کہ کویت اور مصر کے درمیان ڈیڑھ سال کے وقفے کے بعد اتوار سے براہ راست پروازیں دوبارہ شروع ہوئیں ہیں، جس کے باعث بڑی تعداد میں مصری تارکین وطن کویت واپس لوٹنے لگے ہیں۔
