پاکستان اور انگلینڈ کے مابین تاریخی ٹیسٹ سیریز کے پہلے میچ کے لیے ٹکٹوں کی فروخت شروع ہو گئی۔
راولپنڈی کے شائقین پاک انگلینڈ تاریخی ٹیسٹ میچ صرف ڈھائی سو روپے میں دیکھ سکیں گے۔ پی سی بی نے پنڈی ٹیسٹ کے ٹکٹس فروخت کےلیے پیش کر دیے۔
پریمیئم ٹکٹ ڈھائی سو جب کہ وی آئی پی پانچ سو روپے میں دستیاب ہے۔
عمران خان، جاوید اختر، جاوید میانداد اور اظہر محمود اسٹینڈز، چار وی آئی پی انکلوژرز – کے ٹکٹ کی قیمت 500 روپے مقرر کی گئی ہے جب کہ پریمیئر انکلوژرز جن میں شعیب اختر، سہیل تنویر، میران بخش اور یاسر عرفات اسٹینڈز شامل ہیں کے ٹکٹ کی قیمتیں250 روپے مقرر کی گئی ہیں۔
تین میچوں کی سیریز کا پہلا ٹیسٹ یکم دسمبر سے پنڈی کرکٹ اسٹیڈیم میں کھیلا جائے گا۔
اے آر وائی نیوز کی ڈیجیٹل ڈیسک کی جانب سے شائع کی گئی خبریں