نئی دہلی: بھارتی ریاست مہارشٹرا کے ضلع میں چیتے نے آبادی پر حملہ کردیا جس کے نتیجے میں 3 افراد زخمی ہوگئے۔
بھارتی میڈیا کی جانب سے جاری ہونے والی ویڈیو کے مطابق بھارتی ریاست مہارشٹرا کے ضلع بھاندرا میں چیتا ہفتے کی صبح مقامی آبادی میں داخل ہوا اور اُس نے گھر سے باہر نکلنے والے شہریوں پر حملہ کیا۔
ویڈیو میں دیکھا جاسکتا ہے کہ چیتا بھاگ کر آیا اور اُس نے کسان پر حملہ کیا، اس دوران دو شہریوں نے اُسے بچانے کی کوشش کی تو چیتے نے اُن دونوں پر بھی حملہ کیا۔
میڈیا رپورٹ کے مطابق چیتے کے حملے میں تین افراد زخمی ہوئے جن میں سے ایک کو گہرے زخم آئے۔
مقامی شہریوں کے مطابق چیتا حملہ کر کے جنگل کی طرف واپس بھاگ گیا، محکمہ وائلڈ لائف نے شہریوں کی شکایت کا نوٹس لیتے ہوئے حملہ کرنے والے خونخوار چیتے کی تلاش شروع کردی۔
#WATCH Maharashtra: Three people injured after a tiger attacked them in a village in Bhandara district today. pic.twitter.com/Z6gWUisRbK
— ANI (@ANI) January 25, 2020
یہ پہلا موقع نہیں کہ بھارت میں اس طرح کا واقع پیش آیا ہو بلکہ دو برس قبل بھی جنگلی چیتا آبادی میں داخل ہوگیا تھا جس نے بچوں اور نوجوانوں کو زخمی کیا تھا۔
