کراچی: شہرمیں ٹک ٹاکرز اسٹریٹ کرمنلز کا خاص ہدف بننے لگے، گرفتار ملزم نے بتایا پارکس میں ویڈیوز بنانے کیلئے آنے والے ٹک ٹاکرز کو لوٹنا آسان ہوتا ہے، 25 سے زیادہ ٹک ٹاکرز کولوٹ چکے ہیں۔
تفصیلات کے مطابق کراچی میں شارع نور جہاں پولیس کے ہاتھوں گرفتار ملزم نے اہم انکشافات کئے ، ملزم نے بیان میں کہا کہ ٹک ٹاکرزمزاحمت نہیں کرتےاورمہنگےموبائل فون رکھتےہیں، پارکس میں ویڈیوز بنانے کیلئے آنے والوں کو لوٹنا آسان ہوتا ہے۔
ملزم نے بتایا کہ 25 سے زیادہ ٹک ٹاکرز کولوٹ چکےہیں جبکہ فوڈ ڈیلوری بوائے، آن لائن کارسروس والوں سے بھی لوٹ مارکرتےتھے، فوڈ ڈیلوری بوائے، آن لائن کارسروس والوں کو سنسان جگہ پر بلاتے تھے اور ڈیلوری بوائے کو لوٹ کرمنگوایا گیا کھانا بھی چھین لیتے تھے۔
گرفتار ملزم کا کہنا تھا کہ چھینے گئے فون اوردیگرسامان بنارس میں ایک شخص کوبیچتے تھے۔
ملزم نے پولیس کو بیان میں بتایا کہ بینک سے نکلنے والے شہریوں کو بھی نشانہ بنایا جاتا ہے جبکہ متعدد مرتبہ جیل بھی جا چکا ہوں۔
نذیر شاہ کراچی میں اے آر وائی نیوز سے وابستہ سینئر صحافی اور کرائم رپورٹر ہیں، وہ 14 سال سے زائد عرصے سے اپنے شعبے میں مصروف عمل ہیں اور انویسٹیگیٹو نیوز بریکنگ میں مہارت رکھتے ہیں، اور کراچی کے جرائم اور پولیس نظام سے متعلق گہری سمجھ بوجھ کے حامل ہیں۔