The news is by your side.

Advertisement

ٹک ٹاکرعائشہ اکرم سے دست درازی کیس: ریمبو 4 روزہ جسمانی ریمانڈ پر پولیس کے حوالے

لاہور : مقامی عدالت نے خاتون ٹک ٹاکر سے بدتمیزی کیس میں ریمبو سمیت آٹھ ملزمان کو چار روزہ جسمانی ریمانڈ پر پولیس کے حوالےکر دیا۔

تفصیلات کے مطابق مینار پاکستان پر ٹک ٹاکر عائشہ اکرم سے دست درازی کیس کی سماعت ہوئی ، پولیس نے ریمبو سمیت دیگر ملزمان کو جسمانی ریمانڈ کے لیے جوڈیشل مجسٹریٹ حسن سرفراز چیمہ کی عدالت میں پیش کیا۔

سرکاری وکیل نے بتایا کہ یہ ہاٸی پروفاٸل معاملہ ہے جس کی بازگشت پوری دنیا میں سنی گئی ، مختلف ویڈیوز اور دیگر چیزیں برآمد کرنی ہیں، تفتیش کے لیے جسمانی ریمانڈ دیا جائے ۔

ملزمان کے وکیل کا کہنا تھا کہ کہ وہ ہمیشہ ٹک ٹاکر کے ساتھ رہے ، ویڈیوز موجود ہیں کہ ریمبو سمیت ملزمان نے ٹک ٹاکرکی جان بچائی ۔ لہذا جسمانی ریمانڈ کی درخواست مسترد کی جاٸے ۔

عدالت نے سماعت کے بعد ملزمان کو چار روزہ ریمانڈ پر پولیس کے حوالے کر دیا۔

ریمبو نے میڈیا سے گفتگو کرتے ہوئے کہا کہ عائشہ اکرم کے ساتھ نازیبا ویڈیوز پرانی ہیں جو اس کی مرضی سے بنائی گئیں، ہم نے اسے بچایا اور اب ہم پر ہی الزام تراشی کر رہی ہے ۔

خیال رہے عائشہ اکرم نے اپنے ساتھی ریمبو اور دیگر ملزمان پر بلیک میلنگ کا الزام عائد کیا تھے۔

Comments

یہ بھی پڑھیں