The news is by your side.

Advertisement

ارطغرل غازی کے ہیرو کے ساتھ فراڈ کرنے والے ملزم کی ضمانت منظور

لاہور : عدالت نے ترکی ڈراما سیریل ارطغرل غازی کے ہیرو اینگن التان کے ساتھ فراڈ کرنے والے ملزم کاشف ضمیر کی ایک مقدمے میں ضمانت منظور کرلی۔

تفصیلات کے مطابق لاہور کی ماڈل ٹاؤن کچہری میں ترک اداکاراینگن التان کےساتھ فراڈکرنےوالےملزم کی درخواست ضمانت پر سماعت ہوئی ، جوڈیشل مجسٹریٹ نوشابہ یوسف نےکاشف ضمیرکی درخواست ضمانت پرسماعت کی۔

عدالت نے ملزم کاشف ضمیرکی ایک مقدمےمیں ضمانت منظور کرتے ہوئے ایک لاکھ کےمچلکےجمع کروانےکاحکم دے دیا۔

خیال رہے کاشف ضمیرکیخلاف جعل سازی اورفراڈکامقدمہ درج تھا جبکہ ملزم ترک اداکاراینگن التان سےفراڈکےالزام میں جوڈیشل ریمانڈپرجیل میں ہے۔

یاد رہے ملزم نے ارطغرل غازی کے ہیرو انگین آلتان کو ایونٹس کے لیے پاکستان بلا کر 8 کروڑ روپے کا جعلی چیک دیا تھا ، جس کے بعد انگین آلتان پاکستان کا دورہ ادھورا چھوڑ کر واپس چلے گئے۔

بعد ازاں انگین آلتان کی شکایت پر ملزم کیخلاف مقدمہ درج گرفتار کرلیا تھا، جس پر عدالت نے ملزم کو دو روزہ جسمانی ریمانڈ پر سی آئی اے کے حوالے کر دیا تھا۔

Comments

یہ بھی پڑھیں