آکلینڈ: نیوزی لینڈ نے دورہ بنگلہ دیش کے خلاف ٹی ٹوئنٹی سیریز کے لئے اسکواڈ کا اعلان کردیا ہے، آئی پی ایل میں شامل کھلاڑیوں سے متعلق بھی فیصلہ ہوگیا ہے۔
نیوزی لینڈ کرکٹ بورڈ کے مطابق کین ولیمسن آئی پی ایل میں مصروف ہونے کے باعث ٹیم کی قیادت نہیں کرسکیں گے، جس کے باعث ٹم ساؤتھی کو مختصر فارمیٹ کا کپتان مقرر کیا گیا ہے۔
نیوزی لینڈ کی ڈومیسٹک ٹیم ویلنگٹن فائربرڈز کے ابھرتے کھلاڑی فن ایلن کو شاندار کارکردگی کے باعث ٹی ٹوئنٹی اسکواڈ میں شامل کیا گیا ہے، فن ایلن کو نیوزی لینڈ کے ڈومیسٹک سیزن میں بہترین کارکردگی کی بنیاد پر قومی اسکواڈ کا حصہ بنایا گیا ہے۔
دلچسپ بات یہ ہے کہ ایلن فن آئی پی ایل میں رائل چیلنجرز بنگلور کی نمائندگی کررہے ہیں، انہیں جوش فلپ کی جگہ ٹیم میں شامل کیا گیا ہے جبکہ نیوزی لینڈ کے لوکی فرگوسن کولکتہ نائٹ رائیڈر کا حصہ ہونے کے باعث کیویز کے ٹی ٹوئنٹی اسکواڈ میں شامل نہیں ہے، فرگوسن کم وبیش دو سال کے بعد کیوی ٹیم میں شامل ہوئے تھے۔
ٹم ساؤتھی کو بنگلہ دیش کے خلاف ٹی ٹوئنٹی سیریز کے لئے نیوزی لینڈ کا کپتان مقرر کیا گیا ہے، جس کی وجہ کپتان ولیمسن کا آئی پی ایل کھیلنا ہے، اس کے علاوہ آئی پی ایل کھیلنے والوں میں ٹرینٹ بولٹ ، مچل سینٹینر ، کِیل جیمسن ، جمی نیشام ، اور ٹم سیفرٹ شامل ہیں۔
بنگلہ دیش کے خلاف تین میچوں پر مشتمل ٹی ٹوئنٹی سیریز 28 مارچ سے یکم اپریل کے درمیان کھیلی جائے گی، تینوں میچ ہیملٹن ، نیپئر اور آکلینڈ میں کھیلے جائیں گے۔
یہ بھی پڑھیں: ٹرینٹ بولٹ نے بنگال ٹائیگرز کی بیٹنگ لائن کو تہس نہس کر ڈالا
کیوی ٹیم ان کھلاڑیوں پر مشتمل ہوگی، ٹم ساؤتھی کپتان، فن ایلن ، ٹوڈ ایسٹل ، ہیمش بینیٹ ، مارک چیپ مین ، ڈیون کونے،لولی فرگسن ، مارٹن گپٹل ، ایڈم ملن ، ڈیرل مچل ، گلن فلپس ، ایش سوڈھی اور ول ینگ۔
