راولپنڈی: صوبہ پنجاب کی تحصیل کہوٹہ میں قیمتی لکڑی اسمگل کرنے کی کوشش ناکام بنا دی گئی، ملزم کو گرفتار کرلیا گیا۔
تفصیلات کے مطابق صوبہ پنجاب کی تحصیل کہوٹہ کی حدود میں محکمہ جنگلات نے قیمتی لکڑی اسمگل کرنے کی کوشش ناکام بنا دی۔
محکمہ جنگلات نے قیمتی لکڑی کی اسمگلنگ میں ملوث ملزم کو گرفتار کرلیا۔
محکمہ جنگلات کا کہنا ہے کہ ملزم حسنین امجد سے قیمتی لکڑی اور گاڑی برآمد کرلی گئی، برآمد ہونے والی لکڑی کی مالیت ڈیڑھ لاکھ روپے سے زائد ہے۔
گرفتار ملزم کے خلاف محکمہ جنگلات نے قانونی کارروائی کا آغاز کردیا۔
