دودوما: افریقی ملک تنزانیہ میں سیاح سیرسپاٹے کے دوران شیر کی غذا بننے سے بال بال بچ گیا، شہری نے پھرتی کا مظاہرہ کرتے ہوئے اپنی جان بچا لی۔
غیرملکی خبررساں ادارے کی رپورٹ کے مطابق تنزانیہ میں قائم ایک نیشنل پارک میں سیاح گاڑی میں بیٹھ کر سیر وتفریح کررہا تھا کہ اس دوران اسے ایک خونخوار شیر نظر آیا۔
رپورٹ کے مطابق اس نے کھڑکی کے ذریعے شیر کے ساتھ تصاویر بنوانے کی کوشش کی جس پر خونخوار جانور نے غصیلہ انداز اپنا کر ڈھاڑنا شروع کردیا، اس سے پہلے کہ شیر حملہ آور ہوتا سیاح نے فوراً گاڑی کا شیشہ بند کردیا۔
بروقت ایکشن نہ لینے پر شہری کی جان بھی جاسکتی تھی کیوں کہ پارک کے اطراف مزید جانور بھی موجود تھے حملے کی صورت میں دیگر شیروں کے بھی جائے وقوعہ پر پہنچنے کے امکانات تھے۔
چڑیا گھر میں خونخوار شیروں نے خاتون پر حملہ کردیا
شیر کافی دیر سے سیاح کی گاڑی کا پیچھا کررہا تھا، مذکورہ شخص نے اسی بنیاد پر ڈرائیور سے گاڑی روک کر تصاویر بنوانے کی خواہش ظاہر کی تھی درحقیقت ان کا یہ ایڈونچر ایک سبق آموز ثابت ہوا۔
