باری نہ آنے پر غصے سے بھرے نوجوان نے ٹریفک سگنل توڑ دیا -
The news is by your side.

Advertisement

باری نہ آنے پر غصے سے بھرے نوجوان نے ٹریفک سگنل توڑ دیا

بیجنگ: چین کے صوبے تیانجن میں ٹریفک نہ کھلنے پر نوجوان کے صبر کا پیمانہ لبریز ہوا اور اُس نے جلدی گاڑی لے جانے کے چکر میں سگنل ہی توڑ  ڈالا۔

ٹریفک جام کے بعد سگنل کا بند ہونا ڈرائیور اور مسافر دونوں کے لیے ہی بعض اوقات کرب کا باعث بن جاتا ہے کیونکہ بہت سے لوگ کسی پریشانی میں جلد گھر جانے کے چکر میں ہوتے ہیں۔

چین کے صوبے تیانجن میں اپنی طرز کا انوکھا واقعہ اُس وقت پیش آیا کہ جب نوجوان ٹریفک جام کے بعد سگنل پر پہنچا اور اُسے سڑک پر لگا اشارہ بند ملا۔

مذکورہ نوجوان نے سرخ بتی دیکھ کر کچھ دیر تو انتظار کیا مگر جب سگنل تبدیل نہ ہوا تو اُس کے صبر کا پیمانہ لبریز ہوا۔

نوجوان ڈرائیور غصے کی حالت میں گاڑی سے نیچے اترا اور اُس نے سگنل پر زور سے ہاتھ مارا جس کے بعد ٹریفک کنٹرل کرنے کے لیے لگائے جانے والا اشارہ سڑک پر ٹوٹ کے گر گیا۔

واقعے کی سی سی ٹی وی فوٹیج سامنے آگئی جس میں نوجوان کو سگنل گراتے ہوئے دیکھا جاسکتا ہے، پولیس نے ویڈیو کی مدد سے مذکورہ نوجوان کو گرفتار کرلیا۔

تفتیشی افسران کا کہنا تھا کہ نوجوان نشے میں دھت تھا اور اُس نے غصے کی حالت میں یہ حرکت کی، جرم کا اعتراف کرنے کے بعد عدالت نے نوجوان پر بھاری جرمانہ عائد کرتے ہوئے 5 روز کے لیے جیل بھیج دیا۔

Comments

comments

یہ بھی پڑھیں