The news is by your side.

Advertisement

اڑتی پتنگوں کا ہوا کے سنگ سفر

اے آر وائی فلمز کی پیش کش ’دوبارہ پھر سے‘ کا ٹائٹل سانگ جاری کردیا گیا ہے۔

معروف ہدایت کار مہرین جبار کی ہدایت کاری میں بننے والی فلم ’دوبارہ پھر سے‘ اے آر وائی فلمز کی کاوش ہے اور اس کے پروڈیوسر اے آر وائی کے سربراہ سلمان اقبال ہیں۔

فلم کے ٹائٹل سانگ میں 4 دوست ہواؤں کے سنگ دوستی کی اڑان بھرتے نظر آرہے ہیں جس میں ان کی دوستی نئے رشتوں میں تبدیل ہوتی نظر آرہی ہے۔

  song-5

گانے کو حانیہ اسلم اور علی حمزہ نے گایا ہے جبکہ گانے کی شاعری بلال سمیع اور حانیہ اسلم کی تخلیق کردہ ہے۔ گانے کی ہدایت کاری کے فرائض بھی مہرین جبار نے ادا کیے ہیں۔

مہرین جبار اس سے قبل ’رام چند پاکستانی‘ اور ’جیکسن ہائیٹس‘ جیسے منفرد پراجیکٹس پیش کرچکی ہیں اور اب ان کا ماننا ہے کہ ’دوبارہ پھر سے‘ ان کے پچھلے سارے کام سے منفرد اور دلوں کو موہ لینے والی فلم ثابت ہوگی۔

فلم کے مرکزی کرداروں میں عدیل حسین، علی کاظمی، حریم فاروق اور صنم سعید شامل ہیں جبکہ دیگر کرداروں میں طوبیٰ صدیقی، شاذ خان اور عتیقہ اوڈھو اپنی اداکاری کے جوہر دکھائیں گے۔ فلم میں رومانس، ڈرامہ اور کامیڈی کے عناصر شامل ہیں۔

فلم ’دوبارہ پھر سے‘ 25 نومبر کو سینما گھروں میں نمائش کے لیے پیش کردی جائے گی۔

Comments

comments

یہ بھی پڑھیں