وفاقی کابینہ نے مذہبی جماعت ٹی ایل پی پر پابندی کی منظوری دے دی۔
اے آر وائی نیوز کے مطابق وزیراعظم شہباز شریف کی زیر صدارت وفاقی کابینہ کے اجلاس میں ٹی ایل پی پر پابندی کی منظوری دی گئی ہے۔
پنجاب حکومت کی جانب سے ٹی ایل پی پر پابندی کی سفارش کی گئی تھی۔
ذرائع کا کہنا ہے کہ ضابطے کی کارروائی کے لیے وزارت داخلہ کو احکامات جاری کردیے گئے ہیں، وزارت داخلہ نے وفاقی کابینہ کے شرکا کو پنجاب حکومت کی سمری پر بریفنگ دی گئی۔
ذرائع کے مطابق ٹی ایل پی پر پابندی کا ریفرنس 15 دن کے اندر سپریم کورٹ بھیجا جائے گا جہاں جماعت کو دفاع کا حق ملے گا۔
ٹی ایل پی انتشار پھیلانے اور ریاستی رٹ چیلنج کرنے کا الزام ہے، پرتشدد احتجاج، جلاؤ گھیراؤ اور نجی املاک کو نقصان پہنچانے کے بھی الزاماتا ہیں۔
ٹی ایل پی پر فرقہ واریت کو فروغ دینے، پولیس اہلکاروں پر گولی چلانے کے مقدمات بھی درج ہیں۔
