وزیرمملکت طلال چوہدری کو فون پر دھمکیاں دینے والے ٹی ایل پی کارکن کو گرفتار کرلیا گیا، ٹی ایل پی عہدیداروں نے ملزم کو نمبر فراہم کیا۔
اے آر وائی نیوز کے مطابق تحریک لبیک پاکستان کے کارکن کو وزیرمملکت طلال چوہدری کو فون پر دھمکیاں دینے پر حراست میں لے لیا گیا ہے، ملزم نے ٹی ایل پی عہدیداروں کی جانب سے دھمکیوں کی ہدایات کا اعتراف کیا ہے۔
یہ بھی پڑھیں: ٹی ایل پی مظاہروں کے دوران پولیس پر حملے، جانی و مالی نقصان کی تفصیلات سامنے آگئیں
ملزم ثاقب نے بتایا کہ منانوالہ گاؤں کا رہائشی ہوں، ٹی ایل پی عہدیداروں نے طلال چوہدری کا نمبر دیا، ٹی ایل پی کے ایک گروپ نے ہدایت دی کہ طلال چوہدری کو دھمکیاں دیں۔
گرفتار ملزم نے اپنے بیان میں کہا کہ مجھے اپنی غلطی کا احساس ہے اور معذرت خواہ ہوں، سوشل میڈیا صارفین سے گزارش کرتا ہوں افواہوں کو نہ پھیلائیں۔
اپنے ویڈیو بیان میں ملزم ثاقب کا مزید کہنا تھا کہ سوشل میڈیا صارفین سے گزارش کرتا ہوں امن کو فروغ دیں، میں اپنے ملک اور قوم سے معافی مانگتا ہوں۔
تحریک لبیک سے پوچھیں انکی کاز فلسطین تھی یا دہشت گردوں کی رہائی؟ وزیر داخلہ محسن نقوی
اے آر وائی نیوز کی ڈیجیٹل ڈیسک کی جانب سے شائع کی گئی خبریں