فلوریڈا: خلا میں ٹماٹر اگانے کے لیے سائنس دانوں نے بڑا قدم اٹھا لیا، ٹماٹر کے بیج لے کر خلائی جہاز خلائی اسٹیشن پہنچ گیا۔
ناسا کے مطابق خلا میں تجرباتی طور پر ٹماٹر کی فصل لگانے کا فیصلہ کیا گیا ہے، جس کے لیے اسپیس ایکس کے ایک کارگو خلائی جہاز کے ذریعے دیگر سامان کے علاوہ ٹماٹر کا بیج بھی روانہ کیا گیا۔
اس سلسلے میں ڈریگن کارگو خلائی جہاز 7,700 پاؤنڈ سے زیادہ ریسرچ، ہارڈ ویئر اور دیگر سامان کے علاوہ ٹماٹر کے بیج بھی لے کر گیا۔
Space-grown tomatoes, solar panels you can roll out like a rug, and a new type of orbiting medical kit—these are just a few of the many @ISS_Research tests we're sending to the @Space_Station on next week's @SpaceX #CRS26 resupply mission: https://t.co/F07sirHisa pic.twitter.com/kgRhvrvNXL
— NASA (@NASA) November 18, 2022
منگل کو اسپیس ایکس کے کارگو خلائی جہاز کی روانگی کو خراب موسم کے باعث منسوخ کر دیا گیا تھا، ناسا کے فلوریڈا میں قائم کینیڈی اسپیس سینٹر سے گزشتہ روانہ ہونے والا کارگو خلائی جہاز بین الاقوامی خلائی اسٹیشن کے خلابازوں کے لیے غذائی سامان بھی لے کر گیا ہے، جس میں آئس کریم بھی شامل ہے۔
🚀#ICYMI: Yesterday at 2:20 pm EST, a @SpaceX Falcon 9 rocket launched ELaNa 49’s four #CubeSats on #CRS26!
🐉The Dragon Capsule docked at the @Space_Station at 7:39 am EST this morning, where SPORT, TJREVERB, petitSat, and MARIO will soon be deployed to begin their studies! pic.twitter.com/dgI9Fqb0nF
— NASA’s Launch Services Program (@NASA_LSP) November 27, 2022
امریکی خلائی ایجنسی کے مطابق محققین خلائی اسٹیشن پر ’ویجی‘ کے نام سے مشہور، پودوں کی نشوونما کے یونٹ کی جانچ کر رہے ہیں، جہاں مختلف اقسام کی سبزیاں اُگائی گئی ہیں، اس بار ٹماٹر بھی اُگائے جائیں گے۔
ناسا کے سائنس دانوں کا کہنا ہے کہ وہ ٹماٹروں کی جانچ کر رہے ہیں، اور یہ دیکھنا چاہتے ہیں کہ اس فصل پر خلا کی روشنی کے اسپیکٹرم کے کیا اثرات مرتب ہوں گے، اور یہ کہ ٹماٹر کتنے لذیذ اور غذائیت بخش ہوں گے۔
