The news is by your side.

Advertisement

کرونا چیلنج: وزارت خارجہ میں جدید ٹیکنالوجی کے استعمال کو فروغ دینے کا فیصلہ

اسلام آباد: کرونا وائرس کی وبا کے چیلنج کے پیش نظر وزارتِ خارجہ میں جدید ٹیکنالوجی کے استعمال کو فروغ دینے کا فیصلہ کر لیا گیا۔

اے آر وائی نیوز کے مطابق وزارتِ خارجہ کو جدید خطوط پر استوار کرنے اور ٹیکنالوجی کے استعمال کو فروغ دینے کے لیے وزیر خارجہ شاہ محمود قریشی نے وزارت خارجہ میں ٹیلی کام کمپنیوں کے اعلیٰ حکام سے خصوصی ملاقات کی۔

شاہ محمود نے ٹیلی کام کمپنیوں کے حکام سے وزارتِ خارجہ میں جدید ٹیکنالوجی کے استعمال کو فروغ دینے کے حوالے سے خصوصی مشاورت کی۔

وزیر خارجہ نے اس موقع پر کہا کہ کرونا عالمی وبائی چیلنج ہے جس نے دنیا کو یکسر تبدیل کر کے رکھ دیا ہے، آج دنیا بھر میں تمام اہم اجلاس ویڈیو لنک اور جدید ٹیکنالوجی کو بروئے کار لاتے ہوئے منعقد کیے جا رہے ہیں۔

انھوں نے کہا کہ تیزی سے بدلتی دنیا میں آگے بڑھنے کے لیے ہمیں بھی اپنے امور کی انجام دہی میں جدید ٹیکنالوجی کو بروئے کار لانا ہوگا، اور اس وبا کے مضمرات کو سامنے رکھتے ہوئے ہمیں اپنی آئندہ کی حکمت عملی وضع کرنی ہوگی۔

ملک میں 24 گھنٹوں کے دوران 6 ہزار 825 نئے کیسز رپورٹ، 81 افراد کا انتقال

دریں اثنا، ٹیلی کام کمپنیوں کے نمائندگان نے وزیر خارجہ شاہ محمود کو تجاویز دیں، جس پر انھوں نے ان کا شکریہ ادا کیا اور ان کی آراء کو سراہا۔

نیشنل کمانڈ اینڈ آپریشن سینٹر کی جانب سے جاری اَپ ڈیٹ کے مطابق نئے اور مہلک وائرس کو وِڈ نائنٹین سے پاکستان بھر میں 139,230 افراد متاثر ہو چکے ہیں، جب کہ اموات کی تعداد 2,632 ہو گئی ہے۔

Comments

یہ بھی پڑھیں