The news is by your side.

Advertisement

کمزور طبقات کو سہولیات فراہم کرنا ہمارے منشور کا حصہ ہے: وزیر خزانہ

اسلام آباد: وزیرِ خزانہ اسد عمر نے کم لاگت گھروں کی تعمیر سے متعلق منعقدہ تقریب سے خطاب کرتے ہوئے کہا کہ کم زور طبقات کو سہولیات فراہم کرنا ہمارے منشور کا حصہ ہے۔

وزیرِ خزانہ اسد عمر کا کہنا تھا کہ مکانات کی تعمیر کا منصوبہ بنیادی اہمیت کا حامل ہے، کم لاگت مکانات کی تعمیر وفاقی حکومت کا اہم منصوبہ ہے۔

اسد عمر نے اپنے خطاب میں کہا کہ مکانات کی تعمیر سے روزگار کے بے پناہ مواقع بھی میسر آئیں گے، عوام کو روزگار کے مواقع فراہم کرنا ریاست کی ذمہ داری ہے۔

واضح رہے 10 اکتوبر 2018 کو وزیر اعظم عمران خان نے ’نیا پاکستان ہاؤسنگ منصوبے‘ کا افتتاح کیا اور تقریب سے خطاب میں کہا تھا کہ ہاؤسنگ اسکیم ملک میں خوش حالی لے کر آئے گی، اپنا گھر اسکیم ان لوگوں کے لیے جو کبھی گھر بنانے کا سوچ نہیں سکتے تھے، گھروں کے منصوبے میں عام آدمی ہمارا ٹارگٹ ہوگا۔

خیال رہے 50 لاکھ گھروں کی تعمیر حکومت کا سب سے اہم منصوبہ قرار دیا جا رہا ہے اور وزیر اعظم عمران خان نے منصوبے کی نگرانی خود کرنے کا فیصلہ کیا تھا۔

Comments

comments

یہ بھی پڑھیں