سوشل میڈیا پر ایک ڈوبتے شخص کو بچانے کی ناقابل یقین ویڈیو وائرل ہوئی ہے، جس میں ایک جیٹ اسکی رائیڈر سمندر کی طاقت ور اور غضب ناک لہروں سے دل دہلا دینے والا مقابلہ کرتا ہے۔
یہ ویڈیو ٹوئٹر پر ایک صارف نے شیئر کی ہے، اور اسے صرف چند گھنٹوں کے اندر 14 لاکھ بار دیکھا گیا، اور دو دنوں میں اب تک 24 لاکھ بار اس ویڈیو کو دیکھا جا چکا ہے۔
ویڈیو کے مطابق ایک جیٹ اسکی رائیڈر نے سمندر میں ڈوبتے ہوئے ایک شخص کو بچانے کے لیے اپنی جان خطرے میں ڈالی اور بہادری کے ساتھ سمندری لہروں کا سامنا کیا۔
ویڈیو میں آپ سن سکتے ہیں کہ سمندر کی لہریں کتنی غضب ناک انداز میں شور کر رہی ہیں۔
wow!
pic.twitter.com/xRKz8FBXDN— LovePower (@LovePower_page) January 20, 2023
جیٹ اسکی رائیڈر ڈوبتے شخص کو کھینچ کر کامیابی اور حفاظت کے ساتھ کنارے پر لے آیا تھا، جیسے جیسے وہ آگے بڑھ رہے تھے، ایک بہت بڑی غضب ناک لہر ان کی طرف پاگلوں کی طرح دوڑ رہی تھی۔
کئی بار جیٹ اسکی پانی کی لہر میں چھپ گئی لیکن رائیڈر نے ہمت نہیں ہاری اور ڈوبتے شخص کو بچا لیا۔
