ملک میں سونے کی فی تولہ قیمت میں آج کوئی رد و بدل نہیں ہوا جبکہ روپے کی بے قدری کا سلسلہ جاری ہے۔
سندھ صرافہ جیولرز ایسوسی ایشن کے مطابق ملک میں سونے کی فی تولہ قیمت ایک لاکھ 47 ہزار 100 روپے پر برقرار ہے۔
اسی طرح دس گرام سونے کا بھاؤ ایک لاکھ 26 ہزار 115 روپے برقرار ہے۔
عالمی مارکیٹ میں سونے کا بھاؤ 19 ڈالر کم ہوا اور فی اونس سونے کی قیمت 1745 ڈالر ہوگئی ہے۔
ڈالر کی قدر میں مزید اضافہ
ملک میں ڈالر کی قدر میں اضافے کا سلسلہ جاری ہے اور رواں ہفتے انٹربینک میں ڈالر 6 روپے تک مہنگا ہوچکا ہے۔
آج انٹربینک میں ڈالرایک روپے 25 پیسے مہنگا ہوا جس کے بعد کاروبار کے اختتام پر ایک امریکی ڈالر 220 روپے 66 پیسے کا ہوگیا ہے جبکہ انٹربینک میں رواں ہفتے ڈالر 6 روپے مہنگا ہوا ہے۔
Interbank closing #ExchangeRate for todayhttps://t.co/5VPjQDvFv6 pic.twitter.com/F9FZU5C2xQ
— SBP (@StateBank_Pak) August 26, 2022
اوپن مارکیٹ میں آج ڈالر 50 پیسے مہنگا ہو کر 230 روپے کا ہوگیا ہے جبکہ ایک ہفتے میں اوپن مارکیٹ میں ڈالر 12 روپے مہنگا ہوا ہے۔