کاروباری ہفتے کے پہلے روز ملک میں ڈالر کے ساتھ ساتھ سونے کی فی تولہ قیمت میں بھی اضافے ریکارڈ کیا گیا۔
سندھ صرافہ بازار جیولرز ایسوسی ایشن کے مطابق سونے کی فی تولہ قیمت 1450 روپے اضافے سے ایک لاکھ 47 ہزار 250 روپے ہوگئی ہے۔
اسی طرح 10 گرام سونے کی قیمت 1243 روپے اضافے سے ایک لاکھ 26 ہزار 243 روپے ہوگئی۔
دوسری جانب عالمی مارکیٹ میں سونے کی فی اونس قیمت 1840 ڈالر پر برقرار ہے۔
ڈالر کی اونچی اڑان
اسٹیٹ بینک آف پاکستان کے مطابق انٹر بینک میں ڈالر ایک روپے 21 پیسے مہنگا ہوگیا، ڈالر 209 روپے 96 روپے کی بلند سطح پر بند ہوا۔
واضح رہے کہ جمعے کے روز انٹر بینک میں ڈالر 208 روپے 75 پیسے پر بند ہوا تھا۔
Interbank closing #ExchangeRate for todayhttps://t.co/4qF2RMLWU8 pic.twitter.com/QKmi1ITmLE
— SBP (@StateBank_Pak) June 20, 2022
اوپن مارکیٹ میں بھی ڈالر کی قیمت ایک روپے 50 پیسے بڑھی ہے اور اوپن مارکیٹ میں ڈالر 213 روپے 50 پیسے کا ہوگیا ہے۔
