The news is by your side.

Advertisement

آج کہہ سکتا ہوں کہ میں پیدا ہوگیا، برطانوی ہائی کمشنر

لاہور: برطانوی ہائی کمشنر ڈاکٹرکرسچین ٹرنر نے کہا کہ لاہور میں پہلی بار آیا ہوں، آج کہہ سکتا ہوں کہ میں پیدا ہوگیا۔

تفصیلات کے مطابق لاہورمیں گورنر پنجاب چوہدری محمد سرور سے برطانوی ہائی کمشنر نے ملاقات کے دوران افغان امن، امریکا، ایران صورت حال اور بریگزٹ پر بھی بات چیت کی۔

گورنر پنجاب نے برطانوی ہائی کمشنر کو مقبوضہ کشمیرسے متعلق پاکستانی تحفظات سے آگاہ کیا۔

چوہدری محمد سرور کا کہنا تھا کہ آج کا پاکستان ایک پرامن پاکستان ہے، اقلیتیں آزاد ہیں، ملک میں باہمی رواداری کی فضا ہے، کرتار پور راہداری کھول کر پوری دنیا کو امن کا پیغام دیا۔

گورنر پنجاب کا کہنا تھا کہ ایل او سی پر بھارتی خلاف ورزیوں کے باوجود کرتارپور کھولا، ہماری حکومت مذہبی سیاحت پر توجہ دے رہی ہے۔

اس موقع پر برطانوی ہائی کمشنر کا کہنا تھا کہ کشمیر کا مسئلہ بات چیت سے حل کرانے میں برطانیہ کردار ادا کرے گا۔ انہوں نے کہا کہ لاہور میں پہلی بار آیا ہوں، آج کہہ سکتا ہوں کہ میں پیدا ہوگیا۔

ڈاکٹرکرسچین ٹرنر کا کہنا تھا کہ برطانوی سیاست میں آپ کو قدر کی نگاہ سے دیکھا جاتا ہے، مجھے آپ سے سیکھنے کا موقع ملے گا۔

fb-share-icon0
Tweet 20

Comments

comments

یہ بھی پڑھیں