قطر میں دنیائے اسپورٹس کے سب سے مقبول کھیل مینز فٹبال ورلڈ کپ کے عالمی مقابلے جاری ہے آج ان عالمی مقابلوں کی 88 سالہ تاریخ کا یادگار دن ہوگا۔
اے آر وائی نیوز کے مطابق قطر میں دنیا کے سب سے مقبول ترین کھیل فٹبال عالمی کپ کے سنسنی خیز مقابلے جاری ہیں تاہم آج کا دن اس کھیل کے عالمی کپ کی تاریخ کا یادگار دن ہوگا کیونکہ آج 88 سالہ تاریخ میں پہلی بار 3 خواتین ریفری میچ سپروائز کریں گی۔
آج جب جرمنی اور کوسٹاریکا میچ کے لیے میدان میں اتریں گی تو میچ سپروائز کرنے کے لیے فرانس کی اسٹیفنی فیپرٹ میدان میں چارج سنبھالیں گی۔
اس میچ میں برازیل کی نیوزا بیک اور میکسیکو کی کارین ڈیاز بھی اسٹیفنی کی معاونت کے لیے میدان میں موجود ہوں گی۔
واضح رہے کہ آج چار میچز کھیلے جائیں گے۔ کروشیا اور بیلجیئم ٹکرائیں گی، مراکش اور کینیڈا کی ٹیمیں مدمقابل ہوں گی۔ تیسرے میچ میں جاپان اور اسپین میدان اتریں گے جب کہ آخری میچ جرمنی اور کوسٹاریکا کے مابین کھیلا جائے گا۔
یہ بھی پڑھیں: فٹبال ورلڈ کپ، ٹرافی کی تاریخ، ساخت اور قیمت جان کر حیران رہ جائیں
فیفا ورلڈ کپ کے تمام میچ اے اسپورٹس اور اے آر وائی زیپ پر براہ راست دکھائے جا رہے ہیں۔
ریحان خان کو کوچہٌ صحافت میں 25 سال ہوچکے ہیں اور ا ن دنوں اے آر وائی نیوز سے وابستہ ہیں۔ملکی سیاست، معاشرتی مسائل اور اسپورٹس پر اظہار خیال کرتے ہیں۔ قارئین اپنی رائے اور تجاویز کے لیے ای میل [email protected] پر بھی رابطہ کر سکتے ہیں۔