عالمی دنیا میں پاکستان کا ذکر مثبت انداز میں ہورہا ہے، نوازشریف
The news is by your side.

Advertisement

آج دنیا پاکستان کا ذکر مثبت انداز میں کررہی ہے، نوازشریف

ڈیووس: وزیر اعظم نوازشریف نے کہا ہے کہ عالمی اقتصادی فارم میں مختلف ممالک کے رہنماؤں سے مفید بات چیت ہوئی، پوری دنیا میں پاکستان کا ذکر مثبت انداز میں کیا جارہا ہے کیونکہ بے مثال ترقی کا سفر تیزی سے جاری ہے۔

ڈیووس سےواپسی پروزیراعظم نوازشریف کی لندن میں میڈیاسےگفتگوکرتے ہوئے کہا کہ  اقتصادی فارم کے عالمی رہنماؤں سےمفید بات چیت ہوئی، آج پوری دنیا میں پاکستان کا ذکر مثبت انداز میں کیا جاتا ہے کیونکہ ہم تیزی سے ترقی کی منزلیں طےکررہے ہیں۔

پڑھیں: ’’ دہشت گرد سوشل میڈیا کو بطور ہتھیار استعمال کر رہے ہیں، راحیل شریف ‘‘

نوازشریف کا کہنا تھا کہ  پاکستانی معیشت کی بہتری کی ہرکوئی تعریف کررہاہے، اللہ کےکرم سے ملک سے دہشت گردی کا مکمل خاتمہ ہوگیا، ہمارےمعاشی اشاریےمثبت ہیں جن سے عالمی دنیا بھی اچھی طرح سے واقف ہے۔

انہوں نے کہا کہ ملک کی معیشت درست سمت پر گامزن ہے اس لیے بیرونِ ممالک سے سرمایہ کار پاکستان آرہے ہیں تاہم ملک میں ہونے والی ترقی کچھ لوگوں کو ہضم نہیں ہورہی، ہم سب کو مل کر ملک کو آگے بڑھانے کے لیے توانائیاں بروئے کار لانی چاہیے، ملک سے لوڈشیڈنگ تقریبا ختم ہوچکی ہے۔

مزید پڑھیں: ’’ شناختی کارڈ خریداری کیلئے استعمال ہوگا، نادرا کا ماسٹر کارڈز سے معاہدہ ‘‘

پاناما لیکس پر پوچھے گئے سوال کے جواب میں نوازشریف نے کہا ہے کہ معاملہ سپریم کورٹ میں زیرسماعت ہے، اس پر تبصرہ کرنے سے گریز کروں گا تاہم عدالت کی جانب سے آنے والا ہر فیصلہ قبول ہوگا۔وزیراعظم نے مزید کہا کہ ملک کو ترقی راہ سے اتارنے کی کوشش اور ٹانگیں کھینچنے کی کوشش کسی صورت عوام اور ملکی مفاد میں نہیں ہے۔

Comments

comments

یہ بھی پڑھیں