تحریک انصاف آج کوہاٹ میں میدان سجائے گی -
The news is by your side.

Advertisement

تحریک انصاف آج کوہاٹ میں میدان سجائے گی

کوہاٹ: تحریک انصاف آج کوہاٹ میں جلسہ عام کرے گی،تحریک انصاف کے سربراہ عمران خان کے خطاب کے لیے پنڈال سجا لیا گیا ہے۔

تفصیلات کے مطابق کوہاٹ میں تحریک انصاف کے جلسہ عام کی تیاریاں اپنے عروج پر پہنچ گئی ہیں، پنڈال کو پارٹی پرچموں سے سجایا گیا ہے، لال قالین سے آراستہ اسٹیج کے عقب پر قد آور ہورڈنگ عمران خان صاحب کی تصویر اور پارٹی پرچم سے مزین ہے،اسٹیج پر رہنماؤں کے بیٹھنے کے لیے کرسیاں رکھی گئیں ہیں اور مقررین کے لیے ڈائس بھی موجود ہے۔

جلسے کے شرکاء کے لیے وسیع و عریض میدان میں ہزاروں کرسیاں لگادی گئی ہیں،جب کہ تحریک انصاف کےجلسوں کا خاصہ ، تقریر کے دوران موسیقی کا تڑکا لگانے کے لیے جدید ساؤنڈ سسٹم بھی پہنچایا جا چکا ہے۔

پارٹی نغمے اوردھنوں سے جلسہ گاہ کی فضاء گونج رہی ہے،قافلے صوبہ بھر سے اپنے لرہنماؤں کا خطاب سننے کے لیے جوق در جوق کوہاٹ پہنچ رہے ہیں جلسے میں کسی بے نظمی سے بچنے کے لیے تحریک انصاف کے رضاکار مستعد رہیں گے۔

جلسہ شام 5 بجے شروع ہو گا، جب کہ عمران خان جلسہ گاہ میں 7 بجے تک پہنچیں گےخیال ظاہر کیا جارہا ہے کہ جلسہ میں سربراہ تحریک انصاف عمران خان پانامہ پیپرز کے حوالے سے سخت موقف اختیار کریں گے اور حکومتی بجٹ اقدامات کو آڑے ہاتھوں لیں گے۔

Comments

comments

یہ بھی پڑھیں