The news is by your side.

Advertisement

’آج کا دن تقاضا کرتا ہے عالمی برادری کشمیریوں سے کیا وعدہ پورا کرے‘

اسلام آباد: معاون خصوصی برائے اطلاعات ونشریات فردوس عاشق اعوان کا کہنا ہے کہ یو این کی کشمیریوں کےحق میں پاس قرارداد پر عمل درآمد نہ ہوسکا، 71 سال قبل کشمیریوں کو حق خودارادیت کی قرارداد پاس کی گئی تھی۔

تفصیلات کے مطابق سماجی رابطے کی ویب سائٹ ٹوئٹر پر اپنے بیان میں فردوس عاشق اعوان کا کہنا تھا کہ 71 سال سے کشمیریوں کا ناحق لہو بہایا جارہا ہے، ان کی عزتیں پامال کی جارہی ہیں، انہیں اپنا جمہوری، قانونی اور جائز حق مانگنے پر جبر کا نشانہ بنایا جارہا ہے۔

انہوں نے کہا کہ عالمی برادری، یواین اور سلامتی کونسل فرض کو پورا نہیں کررہے، آج کا دن تقاضا کرتا ہے عالمی برادری کشمیریوں سےکیا وعدہ پورا کرے، سلامتی کونسل کی قراردادوں کے مطابق کشمیریوں کو حق خودارادیت دیا جائے، کشمیری جبرو استبداد سے پاک ماحول میں اپنی زندگیاں گزار سکیں۔

دنیا بھر میں کشمیری آج حق خودارادیت منارہے ہیں

فردوس عاشق کا کہنا ہے کہ آج کے دن ہم بہادر کشمیریوں کو بھی پیغام دیتے ہیں، ان کی حق خودارادیت کی جدوجہد میں ہم ان کے ساتھ ہیں، وزیراعظم کی قیادت میں پورا پاکستان ان کے شانہ بشانہ ہے۔

معاون خصوصی کا مزید کہنا تھا کہ کشمیریوں کی سیاسی، اخلاقی اور سفارتی حمایت جاری رکھیں گے۔ ثابت قدمی، ہمت اور قربانی کے جذبے سے کشمیری ڈٹے ہوئے ہیں، کشمیری انشااللہ کامیاب ہوکر رہیں گے، دشمن ناکام ونامراد ہوگا۔

fb-share-icon0
Tweet 20

Comments

comments

یہ بھی پڑھیں