The news is by your side.

Advertisement

محکمہ موسمیات نے آج کراچی میں بارش کی نوید سنا دی

کراچی: شہر قائد کے شہریوں کے لیے اچھی خبر سامنے آگئی، محکمہ موسمیات نے آج بارش کی نوید سنائی ہے۔

تفصیلات کے مطابق کراچی کے عوام جہاں بجلی اور پانی کو ترستے ہیں وہیں شہری ہمیشہ دعاگو رہتے ہیں کہ شہر میں باران رحمت برس جائے اور اچھی خبر یہ ہے کہ آج شہر میں ہلکی بارش کا امکان ہے۔

محکمہ موسمیات کے مطابق وفاقی دارالحکومت اسلام آباد اور لاہور ڈویژن سمیت پنجاب کے مختلف شہروں میں بھی بارش کی پیشگوئی ہے، جبکہ راولپنڈی، گوجرانوالہ میں بھی بادل برسیں گے۔


لاہورمیں بارش‘ چھتیں گرنے، کرنٹ لگنےسے6 افراد جاں بحق، دس زخمی، بجلی غائب


علاوہ ازیں ہزارہ، مالاکنڈ، گلگت بلتستان اور کشمیر میں بھی بارش کا امکان ہے، جبکہ کراچی کے شہریوں کے چہرے بارش کی نوید سن کر کھل اٹھے ہیں۔

خیال رہے کہ گذشتہ دنوں تین گھنٹے کی موسلادھار بارش سے لاہور کی سڑکیں زیرِ آب، گلی محلے اور گھرتالاب بن گئے تھے جبکہ چھتیں گرنے اور کرنٹ لگنے سے چھ افراد جاں بحق اور چھ زخمی بھی ہوئے تھے۔


کراچی میں کہیں تیز اور کہیں ہلکی بارش، موسم خوشگوار


واضح رہے کہ تین گھنٹے کی مسلسل بارش نے ن لیگی حکومت کی کارکردگی کو ڈبو دیا، میٹرو کے شہر میں لوگوں کو آمد ورفت کے لیے کشتیوں کا سہارا لینا پڑا جبکہ گلبرگ جیسے پوش علاقے بھی بارش کے پانی میں ڈوب گئے تھے۔


خبر کے بارے میں اپنی رائے کا اظہار کمنٹس میں کریں‘ مذکورہ معلومات کو زیادہ سے زیادہ لوگوں تک پہنچانے کےلیے سوشل میڈیا پرشیئر کریں۔

Comments

comments

یہ بھی پڑھیں