site
stats
سندھ

کراچی میں آج پہیہ جام ہو گا ایم کیو ایم، کسی قسم کی ہڑتال نہیں ہوگی،ڈی جی رینجرز

کراچی: ڈاکٹر فاروق ستار کے گھر کے محاصرے اور چھاپہ کے خلاف متحدہ قومی مومنٹ نے پہیہ جام ہڑتال کی اپیل ہے،جس پر ردعمل دیتے ہوئے ڈی جی رینجرز نے کہا کہ آج کسی قسم کی ہڑتال نہیں ہوگی۔

تفصیلات کے مطابق متحدہ قومی موومنٹ کی جانب سے آج کی گئی پہیہ جام ہڑتال پر ڈی جی رینجرز کا ردعمل سامنے آگیا ہے، رینجرز ترجمان کے مطابق ڈی جی رینجرز نے کراچی کے شہریوں سے کہا ہے کہ آج شہر میں کسی قسم کی ہڑتال نہیں ہوگی۔

ڈی جی رینجرز کا کہنا تھا کہ شہری مکمل آزادی کےساتھ کاروبارکھولیں اور مکمل آزادی کے ساتھ گاڑیاں سڑکوں پر لائیں،سندھ رینجرزتحفظ فراہم کرے گی،انہوں نے مزید کہا کہ شہرمیں دکانیں بندکرانےوالوں سےسختی سےنمٹیں گے۔

دوسری جانب متحدہ قومی موومنٹ کی رابطہ کمیٹی نے ایم کیوایم کی پرامن ہڑتال کی اپیل کے خلاف ڈی جی رینجرز کے بیان کی شدیدالفاظ میں مذمت کرتے ہوئے کہاہے کہ ایم کیوایم کو آئینی، قانونی اورجمہوری حق سے روکنے کا عمل قطعی غیرقانونی اور بنیادی انسانی حقوق کی سنگین خلاف ورزی ہے۔


کامران فاروقی کی اطلاع پر چھاپہ مارا، رینجرز ذرائع، اچھی روایت نہیں، فاروق ستار


ایک بیان میں رابطہ کمیٹی نے کہا ہے کہ پرامن جمہوری احتجاج کرنا ہرسیاسی جماعت کا آئینی،قانونی،جمہوری اور انسانی حق ہے، ایم کیوایم نے رینجرز کے غیرقانونی اورغیرانسانی اقدامات کے خلاف پرامن احتجاج کی اپیل کرکے اپنا جمہوری حق استعمال کیاہے جسے ریاستی طاقت سے روکنے کا عمل نہ صر ف غیرقانونی وغیرجمہوری ہے بلکہ بنیادی انسانی حقوق کی بھی سنگین خلاف ورزی ہے جس کی جتنی بھی مذمت کی جائے کم ہے۔

یاد رہے رکن اسمبلی کامران فاروق کی گرفتاری کے لیے کل رینجرز کی بھاری نفری نے پی آئی بی کے علاقے کا محاصرہ کرے ڈاکٹر فاروق ستار کی رہائش گاہ جانے والی گلیوں کو بند کردیا تھا، جس پر ایم کیو ایم رابطہ کمیٹی نے آج پر امن احتجاج اور پہیہ جام ہڑتال کا اعلان کیا تھا۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top