برمنگھم میں وین کی ٹکر سے 19 ماہ کا بچہ ہلاک Toddler dies Birmingham
The news is by your side.

Advertisement

برمنگھم میں وین کی ٹکر سے 19 ماہ کا بچہ ہلاک

لندن: برمنگھم میں پارک لینڈ پر ایک وین کی ٹکر سے 19 ماہ کا بچہ ہلاک ہوگیا ہے، وین موجود دو افراد کو حراست میں لے لیا گیا۔

غیر ملکی خبررساں ادارے کے مطابق ویسٹ مڈلینڈز پولیس کا کہنا ہے کہ وین بچے سے سیئر ہول مل ویک گرین روڈ پر ٹکرائی تھی، حادثے کے نتیجے میں بچے کے سر پر شدید چوٹیں آئیں، بچے کو فوری طور پر برمنگھم چلڈرن اسپتال لے جایا گیا جہاں وہ جانبر نہ ہوسکا۔

پولیس نے 30 سالہ مرد اور 26 سالہ خاتون کو بچے کو خطرناک ڈرائیونگ سے مارنے کے شبے گرفتار کرلیا گیا ہے، دونوں پولیس کسٹڈی میں ہیں۔

مڈؒلینڈز پولیس کے کولیژن انویسٹی گیشن یونٹ کے انسپکٹر اسٹیو ریڈفورڈ نے کہا ہے کہ اگر کسی عینی شاہد کے پاس اس واقعے کے حوالے سے معلومات ہوں تو وہ پولیس سے رابطہ کریں۔

پولیس انسپکٹر کا کہنا ہے کہ بچے کی ہلاکت انتہائی افسوسناک ہے، حادثے کے بعد وین کو قبضے میں لے لیا گیا ہے جس کا فرانزک تجزیہ کیا جائے گا۔

مزید پڑھیں: برطانیہ: کار سوار نے عوام پر گاڑی چڑھادی، چار افراد زخمی

واضح رہے کہ تین ماہ قبل برطانیہ کے علاقے نیوپورٹ میں تیز رفتار گاڑی نے اسپورٹس کلب کے باہر کھڑے ہوئے لوگوں کے مجمے کو روند ڈالا تھا، اس ہولناک حادثے کے نتیجے میں چار افراد زخمی ہوگئے تھے۔

پولیس کا کہنا تھا کہ تیز رفتار گاڑی کی زد میں آکر زخمی ہونے والے شہریوں میں دو خواتین شدید زخمی ہیں، چوٹیں اتنی شدید ہیں جو باقی کی زندگی پر بھی اثر انداز ہوسکتی ہیں۔

گاڑی عوام کو کچلنے کے بعد بھی 2 کلومیٹر دور جاکر رکی، جس میں اچانک دھماکے کے بعد آگ بھڑک اٹھی۔برطانوی پولیس نے خطرناک ڈرائیونگ کرنے والے 18 سالہ ڈرائیور کو گرفتار کرکے تھانے منتقل کردیا تھا۔


خبر کے بارے میں اپنی رائے کا اظہار کمنٹس میں کریں‘ مذکورہ معلومات کو زیادہ سے زیادہ لوگوں تک پہنچانے کےلیے سوشل میڈیا پرشیئر کریں۔

Comments

comments

یہ بھی پڑھیں