تازہ ترین

علی امین گنڈاپور وفاق سے روابط ختم کر دیں، اسد قیصر

اسلام آباد: رہنما پاکستان تحریک انصاف اسد قیصر نے...

وزیراعظم شہبازشریف کو امریکی صدر جو بائیڈن کا خط، نیک تمناؤں کا اظہار

واشنگٹن: امریکی صدر جو بائیڈن نے وزیر اعظم شہباز...

بابر اعظم کو دوبارہ قومی ٹیم کا کپتان بنانے کا فیصلہ ہو گیا

پاکستان کرکٹ بورڈ نے بابر اعظم کو ایک بار...

چین پاکستان معاہدوں کے حوالے سے آئی ایم ایف کا اہم بیان

عالمی مالیاتی ادارے کا کہنا ہے کہ چین پاکستان...

2 سالہ بچی کے ساتھ لفٹ میں خوفناک واقعہ، کمزور دل افراد نہ دیکھیں

ہوبائی: چین کے صوبے ہوبائی کے ایک علاقے میں لفٹ کے اندر 2 سالہ بچی کے ساتھ ایک نہایت دل دوز واقعہ پیش آیا، اس واقعے کی ویڈیو جس نے بھی دیکھی، دل تھام کر رہ گیا۔

غیر ملکی میڈیا کے مطابق دو سالہ ایک بچی ایک خاتون کے ساتھ لفٹ کے پاس کھڑی تھی، اس کے ہاتھ میں حفاظتی پٹا بندھا ہوا تھا جس کا دوسرا سرا خاتون کے ہاتھ میں تھا، لفٹ کھلنے پر وہ اندر چلی گئی، خاتون ابھی باہر تھی جب اچانک لفٹ کا دروازہ بند ہو گیا اور لفٹ نیچے چلنے لگی۔

لفٹ کے اندر کیمرے نے یہ دل دوز منظر ریکارڈ کر لیا، لفٹ جیسے ہی نیچے کی طرف چل پڑی، بچی تیزی کے ساتھ اوپر چھت کی طرف اٹھی اور وہاں پھنس گئی۔

یہ واقعہ جمعرات کو ہوبائی صوبے کے شہر ڈیو میں پیش آیا تھا، خاتون تین بچوں کے ساتھ جا رہی تھی، اور بچوں کے ہاتھوں میں حفاظتی پٹے بندھے ہوئے تھے، ایسے پٹوں کا استعمال چین میں عام ہے جس کا مقصد بچوں کو اغوا ہونے اور کھونے سے بچانا ہوتا ہے۔

یہ معلوم نہیں ہو سکا کہ واقعے کے وقت خاتون کیا کر رہی تھی، بچی لفٹ کے اندر اکیلی گئی، اس کا پٹا بدستور خاتون کے ہاتھ میں تھا، جب لفٹ کا دروازہ بند ہو گیا اور بچی اچانک ایک جھٹکے سے اوپر اٹھ کر چھت کے ساتھ خوف ناک انداز میں جھول گئی۔

خوش قسمتی سے لفٹ کے اندر لڑکی کی غیر معمولی حرکت سے اندر کا ایمرجنسی سسٹم خود بہ خود متحرک ہو گیا اور لفٹ فوراً رک گئی، بچی کئی منٹ تک اوپر جھولتی رہی، تاہم لفٹ پھر خود ہی اوپر کی طرف آئی اور بچی دھیرے سے فرش پر دوبارہ پیروں پر کھڑی ہو گئی۔

میڈیا رپورٹ کے مطابق اس واقعے میں بچی خوش قسمتی سے چوٹ سے محفوظ رہی تھی۔

Comments

- Advertisement -